Iinkcukacha ezongezelelweyo

TIPISALEMA 67

Eka mufambisi wa vasimi. Hi mugubu. Pisalema. Risimu.

₁Xikwembu a xi hi tsetselele, a xi hi katekise,

A xi vonakarise mombo wa xona ehenhla ka hina,

₂Leswaku ndlela ya wena yi tiviwa emisaveni

Ni ku hlayiseka ka wena exikarhi ka matiko hinkwawo!

₃Matiko ma ta ku vonga, oho Xikwembu!

Vamatiko hinkwavo va ta ku twarisa.

₄Matiko ma ta tsaka, ma tsakisisa,

Hikuva u ta avanyisa matiko hi ku lulama,

U ta fambisa matiko emisaveni.

₅Matiko ma ta ku vonga, oho Xikwembu!

Vamatiko hinkwavo va ta ku twarisa.

₆Misava yi humesile mihandzu ya yona,

Xikwembu, Xikwembu xa hina xi ta hi katekisa.

₇Xikwembu xi ta hi katekisa,

Kutani matlhelo hinkwawo ya misava ma ta xi chava.