Iinkcukacha ezongezelelweyo

TIPISALEMA 53

Eka mufambisi wa vasimi. Hi Mahalata. Risimu ra Davhida.

₁Xihunguki xi ku embilwini ya xona:

“A ku na Xikwembu!”

Va borile va hundzuluxe ku biha ka vona manyala;

A ku na un'we la endlaka leswinene.

₂Yehovha u langutisa vana va vanhu a ri ematilweni,

Ku vona loko ingi a ri kona la nga ni ku twisisa,

La lavaka Xikwembu.

₃Hinkwavo va hambukile, hinkwavo va tionhile kun'we;

A ku na loyi a endlaka leswinene, hambi a ri un'we.

₄Xana a va na ku twisisa, lava endlaka leswo biha?

Lava dyaka tiko ranga kukotisa loko ingi byi ri vuswa,

Lava nga khongeliki Xikwembu.

₅Va ta rhurhumela hi ku chava,

Laha ku nga riki na mhaka ya ku chava;

Hikuva Xikwembu xi ta hangalasa marhambu ya lava ku rhendzelaka;

U ta va khomisa tingana, hikuva Xikwembu xi va cukumetile.

₆Aa! Ku kutsula ka Israele ku ta pfa rini eSiyoni xana?

Siku Xikwembu xi nga ta tlherisa vabohiwa va tiko ra xona,

Yakobo u ta khana, Israele u ta tsaka.