Ku biwa ha mulumbeti.
Eka mufambisi wa vasimi. Risimu ra Davhida. Loko Dowege wa ka Edomu, a ya byela Sawulo, a ku: “Davhida u nghenile endlwini ya Ahimeleke.”
1Xana u tidzunisela yini hi ku biha, wena nhenha?
Tintswalo ta Xikwembu ti kona hi masiku.
2Ririmi ra wena ri luka ku onha ntsena,
I rikari leri lotiweke leri vulaka mavunwa ntsena.
3U rhandza leswo biha ku tlula leswinene,
Ni mavunwa ku tlula rito lero lulama.
4U rhandza marito hinkwawo ya ku onha,
Wena ririmi ra ku kanganyisa!
5Hikwalaho Xikwembu xi ta ku heta hi laha ku nga heriki,
Xi ta ku khoma, xi ku susa entsongeni wa wena,
Xi ku tsuvula emisaveni ya lava hanyaka.
6Lava lulameke va ta swi vona, va chava,
Kambe va ta n'wi hleka, va ku:
7“Hi loyi munhu la nga titekelangiki Xikwembu ku va khokholo ra yena,
Loyi a tshembiseke rifuwo ra yena lerikulu,
Loyi a titiyisaka hi vumbabva bya yena!”
8Kambe mina, ndzi fana ni mutlhwari lowu hlukeke endlwini ya Xikwembu,
Ndzi tshemba tintswalo ta Xikwembu hi masiku lama nga heriki.
9Ndzi ta ku vonga hi masiku, hikuva u tirhile;
Ndzi ta tshemba vito ra wena hikuva ri nene,
Emahlweni ka vahlawuriwa va mina.
