Xikwembu i vuchavelo bya hina.
Eka mufambisi wa vasimi. Risimu ra vana va Kore. Hi Alamoto.
1Xikwembu i vuchavelo bya hina ni matimba ya hina,
I ku pfuna loku kumiwaka kusuhi emapfalweni.
2Hikwalaho a hi chavi nchumu loko misava yi hundzuluka,
Ni loko tintshava ti tsekatseka exikarhi ka malwandle,
3Hambi magandlati ya wona ma pfuma, ma endla boboma,
Hambi tintshava ti rhurhumela hikwalaho ka ku tlakuka ka wona.
4Wu kona nambu lowu mikhovotlo ya wona yi tsakisaka muti wa Xikwembu,
Vukwetsimelo bya tindlu ta La nge henhlahenhla.
5Xikwembu xi le xikarhi ka wona, a wu tsekatsekisiwi;
Xikwembu xi wu pfuna wa ha ri mixo.
6Matiko ma pfuma, tihosi ti huma nyimpi,
Xi twarisa rito ra xona, kutani misava yi nyuka.
7Yehovha wa mavandla u na hina,
Xikwembu xa Yakobo i xichavelo xa hina lexi tlakukeke!
8Tanani, mi hlalela mitirho ya Yehovha,
Leswi a swi heriseke emisaveni.
9U herise tinyimpi ku yisa emakun'wini ya misava,
U tshovile mavurha, u fayetele matlhari,
U hise tigolonyi endzilweni.
10“Yimani,
mi tiva leswaku ndzi Xikwembu;
Ndzi tlakukile henhla ka matiko,
ndzi tlakukile emisaveni!”
11Yehovha wa tinyimpi u na hina,
Xikwembu xa Yakobo i xichavelo xa hina lexi tlakukeke.
