TIPISALEMA 43

₁Ndzi avanyisele, Xikwembu, u ndzi lwela

Eka rixaka leri nga ku rhandziki;

Ndzi ponise ka munhu wa ku hemba ni wa ku homboloka.

₂Hikuva hi wena Xikwembu xa ku chavelela ka mina,

U ndzi cukumetela yini?

Xana ndzi fambela yini hi nkosi ndzi karhi ndzi xanisiwa hi nala?

₃Rhuma ku vonakala ka wena ni vunene bya wena, swi ndzi fambisa,

Swi ndzi yisa entshaveni ya ku kwetsima ka wena ni le tindlwini ta wena.

₄Ndzi ta tshinela alitari ya Xikwembu,

Ya Xikwembu lexi ku nga ku tsaka ka mina ni ku yimbelela ka mina;

Ndzi ta ku dzunisa hi haripa, wena Xikwembu, Xikwembu xanga!

₅Moya wanga, u hele matimba ha yini, u tshukele yini endzeni ka mina?

Tshemba Xikwembu, hikuva ndzi ta tlhela ndzi xi dzunisa;

Hi xona ku hlayiseka ka mina, ni Xikwembu xa mina.