TIPISALEMA 23

₁Yehovha i murisi wa mina: ndzi nga ka ndzi nga pfumari nchumu.

₂U ndzi wisisa emadyelweni ya rihlaza,

U ndzi fambisa ekusuhi ni mati layo rhula;

₃U hanyisa moya wa mina,

U ndzi fambisa etindleleni leto lulama,

Hikwalaho ka vito ra yena.

₄Ni loko ndzi famba enkoveni wa ndzhuti wa rifu,

A ndzi chavi ku biha ni kun'we, hikuva u na mina:

Nhonga ya wena ni xongotelo ra wena, hi swona leswi ndzi tiyisaka.

₅U ndzi lunghisela tafula emahlweni ka valala va mina,

U totile nhloko ya mina hi mafurha,

Kutani ndzheko wa mina wa khapa.

₆Kunene, ku kateka ni tintswalo swi ta ndzi landzela

Hi masiku hinkwawo ya ku hanya ka mina,

Kutani ndzi ta tshama endlwini ya Yehovha hi masiku hinkwawo.