TIPISALEMA 20

₁Yehovha a a ku hlamule hi siku ra nhlomulo,

Vito ra Xikwembu xa Yakobo, a ri ku sirhelele!

₂A a ku rhumele ku pfuna ka yena loku humaka evukwetsimelweni,

A ku nyika ku tiya a ri Siyoni!

₃A a anakanye timhamba ta wena hinkwato,

A va a amukela magandzelo ya wena!

₄A a ku nyike leswi rhandziwaka hi mbilu ya wena,

A hetisa ni makungu ya wena hinkwawo!

₅Hi ta ba mikulungwana hikwalaho ka ku hlayiseka ka wena,

Kutani hi tlakusa mujeko hi vito ra Xikwembu xa hina;

Yehovha u ta ku nyika hinkwaswo leswi u swi kombelaka.

₆Ni sweswi, ndza swi tiva

leswaku Yehovha u hlayisa muhlawuriwa wa yena,

U ta n'wi hlamula a ri ematilweni ya ku kwetsima ka yena,

Hi mitirho ya ku lwela ka voko ra yena ra xinene.

₇Van'wana va tidzunisa hi tigolonyi ta vona, van'wana hi tihanci;

Kambe hina hi tidzunisa hi vito ra Yehovha,

Xikwembu xa hina.

₈Vona va oveka va wa ehansi,

Kambe hina hi ta pfuka, hi yima hi tiya kona.

₉Yehovha, hlayisa!

Hosi a yi hi yingise siku hi huwelelaka eka yona!