TIPISALEMA 2

₁Xana matiko ma dzumadzumela yini?

Ni vamatiko va anakanyela yini swahava xana?

₂Xana tihosi ta misava ti pfukele yini,

Ni tihosana ti hlengeletene ha yini na vona,

Ku pfukela Yehovha ni Muhlawuriwa wa yena?

₃Va ku: “A hi tsemeni tinsinga ta vona,

A hi cukumeteni mapindza ya vona!”

₄Loyi a tshameke ematilweni wa va hleka;

Hosi yi va sandza.

₅U ta vulavula na vona hi ku kariha ka yena,

A va chavisa hi ku pfurha ka vukari bya yena.

₆A ku: “Hi mina ndzi toteke hosi yanga eSiyoni,

Entshaveni ya mina leyi hlawuriweke.”

₇Ndzi ta twarisa makungu:

Yehovha u te eka mina: “U n'wananga;

Ndzi ku velekile namuntlha.

₈Kombela ka mina, ndzi ta ku nyika matiko,

ma ta va ndzhaka ya wena.

Ni makumu ya misava, ma ta fumiwa hi wena.

₉U ta ma tshova hi nhonga ya nsimbhi,

U ta ma fayetela kukotisa mbita ya muvumbi.”

₁₀Sweswi, n'wina tihosi, mi va ni vutlhari;

Na n'wina vaavanyisi va misava, mi dyondzisiwa.

₁₁Tirhelani Yehovha hi xichavo,

Kutani mi tsaka hi ku rhurhumela.

₁₂Ntswontswani n'wana, leswaku a nga ti kariha,

Kutani mi lova etindleleni ta n'wina,

Hikuva vukari bya yena bya hatlisa ku pfurha.

Va katekile hinkwavo lava chavelaka ka yena!