Risimu leri bumabumelaka Xikwembu.
1Dzunisani Yehovha! Moya wanga, dzunisa Yehovha!
2Ndzi ta dzunisa Yehovha loko ndza ha hanya,
Ndzi ta yimbelela Xikwembu xa mina loko ndza ha ri kona.
3Mi nga titshembeleni tihosi,
Hambi va ri vana va vanhu lava hlulekaka ku ponisa,
4Ku hefemula ka vona loko ku hela, va tlhelela entshurini;
Kutani hi siku rolero makungu ya vona ma ta hela.
5Ku katekile loyi Xikwembu xa Yakobo, xi nga matimba ya yena,
Loyi ku tshemba ka yena ku nga ka Yehovha, Xikwembu xa yena.
6U endlile matilo ni misava,
Elwandle ni hinkwaswo leswi nga ka rona.
U hlayisa rito ra ntiyiso hi laha ku nga heriki.
7U lulamisela lava xanisiwaka;
U nyika lava nga ni ndlala swakudya.
8Yehovha u kutsula lava khomiweke;
Yehovha u hanyanyisa mahlo ya lavo fa mahlo,
U olola lava korhamisiweke.
Yehovha u rhandza lavo lulama.
9Yehovha u lwela vamatiko,
U hlayisa xisiwana ni noni;
Kambe u hambanyisa ndlela ya vakanganyisi.
10Yehovha u fuma hi laha ku nga heriki;
Xikwembu xa wena, Siyoni, xi kona etinxakeni hinkwato!
Dzunisani Yehovha!
