TIPISALEMA 142

₁Ndzi rila eka Yehovha hi rito ra mina;

Hi rito ra mina ndzi khongela Yehovha.

₂Ndzi chululela ku vilela ka mina emahlweni ka yena,

Ndzi n'wi vekele ku kohleka ka mina.

₃Loko moya wa mina wu ri ni gome endzeni ka mina,

Wena wa yi tiva ndlela ya mina.

Va ndzi rhiyile hi ntlhamu endleleni leyi ndzi fambaka ka yona.

₄Languta eka lera xinene, u kamba!

A ku na la ndzi tivaka!

A ku na la ndzi hlayisaka.

₅Yehovha ndzi rila ka wena,

Ndzi ku:

“Vuchavelo bya mina hi wena,

Ku averiwa ka mina emisaveni ya lava hanyaka.”

₆Yingisa ku vilela ka mina!

Hikuva ndzi ni masangu lamakulu.

U ndzi kutsula eka vaxanisi va mina,

Hikuva va ndzi tlula hi matimba.

₇Humesa moya wa mina ekhotsweni Ndzi ta dzunisa vito ra wena!

Lava lulameke va ta ta, va ndzi rhendzela,

Loko u ta va u ndzi endlele tintswalo.