1Vhinyo i musandzi, byalwa i pongo,
Hinkwavo lava tinyiketaka ka swona a va na vutlhari.
2Vukari bya hosi byi kotisa ku dzumadzuma ka nghala,
La yi karihelaka u dyohela moya wa yena.
3Ku tshika mitengo i ku tidzunisa ka munhu,
Kambe xihunguki xin'wana ni xin'wana xi tinyiketa vukari.
4Lolo a ri rimi loko ku ri ni xirhami;
Hi nkarhi wa ku tshovela ra kombela, kambe a ri na nchumu.
5Makungu embilwini ya munhu i xihlovo xa ku enta,
Wa ku twisisa u tiva ku ya ka xona.
6Lava tivulaka vunene va tele,
Kambe munhu la tshembekaka a nga kumiwa hi mani?
7Munhu wo lulama u famba eku lulameni ka yena,
Ku katekile vana va yena lava n'wi landzaka.
8Hosi yi tshamisa exitshan'weni xa ku avanyisa,
U hlela swo biha hinkwaswo hi ku languta ka yena.
9I mani la nga ta ku: “Ndzi tibasisile mbilu,
Ndzi hlantswekile swo biha swa mina”?
10Maribye mambirhi ya ku pima lama hambaneke, ni tiefa timbirhi leti hambaneke
I manyala eka Yehovha.
11Swi tsandza ni wandzisanyana, u tiviwa hi ku endla ka yena
Loko mafambele ya yena ma ta saseka ni ku lulama.
12Ndleve ya twa, ni tihlo ra vona,
Yehovha u endlile vumbirhi bya swona.
13U nga rhandzi vurhongo, kumbexana u kumisiwa u pfumala,
Hanyanya, u ta xurha swakudya.
14“Swi bihile! Swi bihile!” ku vula Muxavi;
Kutani a tifambela, a tidzunisa.
15Nsuku wu kona, ni tidayimani leto tala,
Kambe xa risima lerikulu i milomu leyi dyondzeke.
16N'wi tekeleni nguvu, hikuva u tibohile hi nandzu wa van'wana,
N'wi rihiseni hikwalaho ka va le handle.
17Vuswa byo dyelela bya xawula eka munhu,
Kambe ndzhaku, nomu wa yena wu tele maribye.
18Makungu ma tiyisiwa hi ku tsundzuxiwa,
Hikwalaho u huma nyimpi u kanerile hi ku anakanya.
19Muhlevi u famba a hleva, a boxa swihundla;
Chava ku tolovetana na loyi a dyelelaka hi nomu wa yena.
20La rhukanaka tata wa yena ni mana wa yena, Rivoni ra yena ri ta timeka emunyameni lowukulu.
21Ndzhaka leyi kumiwaka hi ku dyoha eku sunguleni,
Yi nga ka yi nga katekisiwi eku heleni.
22U nga vuri:
Ndzi ta tlherisela swo biha hi swo biha,
Tshemba Yehovha, hi yena la nga ta ku ponisa.
23Maribye mambirhi ya ku pima lama hambaneke i manyala eka Yehovha,
Ni xikalo xa ku dyelela a hi xilo lexo lulama.
24Milenge ya munhu yi lerisiwa hi Yehovha,
Loko swi ri tano i mani munhu la twisisaka tindlela ta yena?
25I xirimbana eka munhu ku hlawulela Yehovha xilo hi ku hatlisa,
Ni ku kanakana loko a tibohile.
26Hosi yo tlhariha yi hlela vadyohi,
Yi va hula hi xihulo.
27Moya wa munhu i rivoni ra Yehovha,
Wu lavisisa leswi enteke ka yena.
28Tintswalo ni ku tshembeka swi tiyisa hosi,
Hi tintswalo yi ta tiyisa xitshamo xa yona.
29Ku kwetsima ka lavantshwa i matimba ya vona,
Vubombi bya swikoxa i misisi leyo basa.
30Mipfembeti ni timbanga, i murhi wo hlantswa ku biha,
Na kona ku biwa loku nghenaka emarhumbyini.
