YOXUWA 19

₁Ku averiwa ka vumbirhi ku humeseriwa Simiyoni, nyimba ya vana va Simiyoni, hi tindlu ta vona: ndzhaka ya vona yi ve exikarhi ka ndzhaka ya vana va Yuda. ₂Endzhakeni ya vona a va ri na Berexeba, Xeba, Molada; ₃Hasari-Xuwala, Bala, Esemu; ₄Elitolada, Betuli, Horma; ₅Sikilaga, Beta-Marikaboto, Hasari-Susa; ₆Beta-Lebawoto; Xaruheni; miti ya 13 ni swimitana swa yona; ₇Ayini, Rimoni, Etere, Axani: miti ya mune ni swimitana swa yona; ni swimitana hinkwaswo leswi rhendzelaka miti leyi ku fika ₈eBaalata-Bere, lowu nga Rhama wa le dzongeni. Hi yona ndzhaka ya nyimba ya vana va Simiyoni, hi tindlu ta vona. ₉Ndzhaka ya vana va Simiyoni yi humesiwile etikweni ra vana va Yuda, hikuva ku averiwa ka vana va Yuda a ku ri lokukulu ku tlurisa vona; hikwalaho vana va Simiyoni va kumile ndzhaka ya vona exikarhi ka ndzhaka ya Yuda.

₁₀Ku averiwa ka vunharhu ku humeseriwa vana va Zebuloni, hi tindlu ta vona. Ndzilakana wa ndzhaka ya vona wu ya fika eSaridi. ₁₁Wu khandziya vupeladyambu etlhelweni ra Mariyala, wu fika eDabexeti ni xinambyana lexi langutaneke na Yokineyama. ₁₂Kutani wu suka eSaridi, wu tlhela evuxeni, eku humeni ka dyambu, endzilakaneni wa Kisiloti-Taboro, wu huma etlhelweni ra Daberata, kutani wu khandziya Yafiya; ₁₃wu suka kona, kutani wu hundza evuxeni, eGati-Hefere na Eti-Kasini kutani wu huma eRimoni, wu ya fika eNeya; ₁₄ndzilakana wu rhendzeleka en'walungwini hitlhelo ra Hanatoni, kutani wu ya hela enkoveni wa Yifita-Eli. ₁₅Kambe a ku ri na Katati, Nahalala, Ximroni, Yidala na Betlehema: miti ya 16 ni swimitana swa yona. ₁₆Hi yona ndzhaka ya vana va Zebuloni, hi tindlu ta vona: miti yoleyo ni swimitana swa yona.

₁₇Ku averiwa ka vumune ku humeseriwa vana va Isakara, hi tindlu ta vona. ₁₈Ndzilakana wa vona a wu ri Yizriele, Kesuloto, Xuneme; ₁₉Hafarayimi, Xiyoni, Anaharati; ₂₀Rabiti, Kixiyoni, Ebeze; ₂₁Remete, Eni-Ganimi, Eni-Hada na Beta-Pasese; ₂₂ndzilakana wu fika eTaboro eXahasuma na Beta-Xemexe; kutani wu ya fika eYordani: miti ya 16 ni swimitana swa yona. ₂₃Hi yona ndzhaka ya nyimba ya vana va Isakara, hi tindlu ta vona: yi ri miti yoleyo ni swimitana swa yona.

₂₄Ku averiwa ka vuntlhanu ku humeseriwa nyimba ya vana va Asere, hi tindlu ta vona. ₂₅Ndzilakana wa vona wu va Helikati, Hali, Beteni, Akixafa; ₂₆Alameleke, Amadi na Mixala; wu ya fika eKarmele evupeladyambu na Xihoro-Libinata; ₂₇kutani wu tlhela evuxeni, ekusuhi na Beta-Dagoni wu fika eZebuloni ni le nkoveni wa Yifita-Eli, en'walungwini ka Beta-Emeke na Neyiele, kutani wu huma ekusuhi na Kabulu en'walungwini, ₂₈ni le kusuhi na Ebrona, na Rehobo, na Hamoni na Kana, ku fika eSidoni lowukulu; ₂₉ndzilakana wu tlhela eRhama, wu ya fika emutini wa khokholo wa Tiri; kutani ndzilakana wu tlhela eHosa, wu ya hela elwandle, ku suka eMahalabu, ku fika eAkizibi. ₃₀Va nyikiwa na Uma, Afeke na Rehobo: miti ya 22 ni swimitana swa yona. ₃₁Hi yona ndzhaka ya nyimba ya vana va Asere, hi tindlu ta vona: miti yoleyo ni swimitana swa yona.

₃₂Ku averiwa kantlhanu na kan'we ku humeseriwa vana va Neftali, hi tindlu ta vona. ₃₃Ndzilakana wa vona wu suka eHelefa, enkuhlwini ekusuhi na Saananimi, wu hundza eAdaminekeba, ni le Yabinele, ku fika eLakumi kutani wu ya hela eYordani. ₃₄Ndzilakana wu tlhela evupeladyambu eAzinoto-Tabori, wu humela eHukoko, wu fika eZebuloni edzongeni, wu fika eka Asere evupeladyambu, ni le ka Yuda eYordani, evuxeni. ₃₅Va kuma ni miti ya makhokholo: Sidimi, na Sere, na Hamata, na Rakata, na Kinereta; ₃₆na Adama, na Rhama, na Hasoro; ₃₇Kedexe, na Edreyi, na Eni-Hasori; ₃₈na Yironi, na Migidali-Ele, na Horeme, na Beta-Anati, na Beta-Xemexe; miti ya 19 ni swimitana swa yona. ₃₉Hi yona ndzhaka ya nyimba ya vana va Neftali, hi tindlu ta vona; miti yoleyo ni swimitana swa yona.

₄₀Ku averiwa kantlhanu ni kambirhi ku humeseriwa nyimba ya vana va Dani, hi tindlu ta vona. ₄₁Ndzilakana wa ndzhaka ya vona a wu ri Sora; na Exitawulu, na Yiri-Xemexe; ₄₂na Xaalabini, na Ayaloni, na Yitila; ₄₃na Elone, na Timina, na Ekroni; ₄₄na Eliteke, na Gibetoni, na Baalata; ₄₅Yehudi, na Bene-Beraka, na Gati-Rimoni; ₄₆na Me-Yarikona, na Rakoni, ni tikwanyana emahlweni ka Yopa. ₄₇Ndzilakana wa vana va Dani wu hume ehandle ka rikwavo, hikuva vana va Dani va humile va ya hlasela Lexeme, va wu teka, va wu heta hi vukari bya tlhari, kutani wu va wa vona, va aka kona; kavaloko va thya Lexeme Dani, hi vito ra Dani, tata wa vona. ₄₈Hi yona ndzhaka ya nyimba ya vana va Dani, hi tindlu ta vona; miti voleyo ni swimitana swa yona.

₄₉Kuteloko va hetile ku avanyisa tiko hi mindzilekana ya rona, vana va Israele va nyika Yoxuwa, n'wana Nuni, ndzhaka exikarhi ka vona. ₅₀Hi ku lerisa ka Yehovha, va n'wi nyika muti lowu a wu kombeleke, eTiminata-Sera, entshaveni ya Efrayimi; a aka muti, kutani a tshama eka wona.

₅₁Hi tona tindzhaka leti averiweke hi Eliyazara, muprista, na Yoxuwa, n'wana Nuni, ni tihosi ta vatata va tinyimba ta vana va Israele, hi vuhlolotwana, eXilo, emahlweni ka Yehovha, enyangweni ya tabernakela ya nhlengeletano; kutani va heta ku avanyisa tiko.