YOBO 19

₂“Mi ta hlokohlisa moya wa mina,

Ni ku ndzi tikerisa hi marito ya n'wina ku yisa kwihi xana?

₃Mi ndzi endlile munhu wo biha ka khume;

A mi na tingana ku ndzi sandza.

₄Loko kunene ndzi hambukile,

Nandzu i wa mina:

₅Loko mi tikukumuxa ehenhla ka mina,

Mi ndzi khorwisa leswaku ndzi ni nandzu wa tingana,

₆Twisisani leswaku i Xikwembu lexi ndzi landzeke,

₇Ku ndzi rhiyela xirimbana xa xona.

Vonani, ndzi ba nkosi hi leswi ndzi endliwaka hi ku nonon'hwa kambe a ndzi voni ku hlamula,

Ndzi kombela ku pfuniwa, kambe ku lulama ku hava!

₈U sivile mitila ya mina leswaku ndzi nga hundzi;

Endleleni ya mina u vekile munyama

₉U ndzi tekerile ku twala ka mina,

U hluvurile harhi ya vuhosi enhlokweni ya mina.

₁₀U ndzi hlanhlile matlhelo hinkwawo, ndzi herile:

U tsuvurile ku tshemba ka mina kukotisa murhi.

₁₁Vukari bya yena byi pfurhile ehenhla ka mina.

U ndzi languta kukota nala wa yena;

₁₂Mavandla ya yena ma ndzi hlomele swin'we,

Ma ndzi boxele ndlela ku ta ndzi khoma,

Ma rhendzele ntsonga wa mina exikarhi.

₁₃“U ndzi tshineterile vamakwerhu ekule na mina,

Lava ndzi tivanaka na vona va tiendlile vambe ka mina,

₁₄Varikwerhu va titshamele etlhelo,

Lava ngi va ri vanakulorhi lavanene va ndzi tshikile.

₁₅Ndzi wumbe eka malandza ya mina ya xinuna ni ya xisati,

Emahlweni ka vona ndzi loyi a nga tiviwiki.

₁₆Ndzi vitana nandza wa mina, a nga pfumeri,

Ndzi n'wi khongotela hi nomu wa mina, na swona, a swi pfuni.

₁₇Ku hefemula ka mina ka nun'hwa eka nsati wa mina,

Ndzi nyenyetsa ni le ka vana lava humeke eka mina.

₁₈Swi tsandza ni vana lavatsongo,

va ndzi hlekula, na vona,

Loko ndzi pfuka, va vulavula ehenhla ka mina.

₁₉Ndzi manyala eka vanakulorhi va xiviri,

Lava ndzi nga va rhandza va hundzukile valala eka mina.

₂₀Marhambu ya mina ma namarhele

nhlonge ya mina ni nyama ya mina,

Ndzi ponile ndzi ri ni nhlonge ya meno ya mina ntsena.

₂₁Ndzi tweleni vusiwana!

Ndzi tweleni vusiwana, n'wina vanakulorhi!

Hikuva voko ra Xikwembu, hi rona leri ndzi beke.

₂₂Xana mi ndzi xanisela yini kukotisa Xikwembu?

A mi kolwi ha yini hi nyama ya mina?

₂₃“Loko ingi marito ya mina ma nga tsariwa!

Loko ngi ma tsariwa ebukwini!

₂₄A ma tsariwe hi chizele ya nsimbhi ni hi nhumbu eribyeni,

Hilaha ku nga heriki!

₂₅Kambe ndza swi tiva leswaku Mukutsuri wa mina wa hanya,

Hikuva u ta pfuka emisaveni a ri yena wa ku hetelela.

₂₆Hambi nhlonge ya mina yi onhakile, u ta pfuka;

Ndzi ta vona Xikwembu ndzi nga ha ri enyameni.

₂₇Ndzi ta tilangutela xona, xi ta ndzi tsetselela;

Ndzi ta xi vona hi mahlo ya mina, ma nga ri ya wumbe,

Mbilu ya mina yi navela swonghasi exifuveni xa mina.

₂₈Enkarhini wolowo mi ta ku:

‘A hi n'wi xanisela yini?’

Kasi ku lulama ka timhaka ta mina ku ta tiviwa.

₂₉Tichaviseni fumu,

Hikuva vumbabva i xidyoho lexi lulameleke hi fumu!

Mi ta twa leswaku ku avanyisa ku kona.”