1Hi siku rero, Yehovha u ta ba hi ripanga ra yena ro tika, lerikulu, ra matimba, eLevhiyatani, nyoka ya matsambo, Levhiyatani, nyoka ya makhinyakhinya; kutani u ta dlaya dragona leyi nga elwandle.
2Hi siku rero, va ta ku: “Dzunisani nsimu ya vhinya leyi hlawuriweke. 3Hi mina Yehovha la yi hlayisaka; ndzi ta yi cheleta hi mikarhi hinkwayo ndzi yi hlayisa vusiku ni nhlekanhi leswaku munhu a nga ngheni eka yona. 4A ndzi na vukari; kambe loko ndzi kuma swigatlu ni mitwa, ndzi ta lwa na swona, ndzi swi hisa hinkwaswo swin'we. 5Loko swi nga ri leswaku va kombela ku londzovotiwa hi mina, va kombela ku rhula, va va va hlangana na mina.”
6Emikarhini leyi taka, Yakobo u ta cela timitsu, Israele u ta baleka swiluva ni mahluke, u ta tata misava hi mihandzu ya yena. 7Xana Yehovha u n'wi bile hilaha a beke lava n'wi xanisaka? Kumbe u n'wi dlayile tanihi leswi a nga dlaya lava n'wi dlayeke xana? 8U n'wi bile hi mpimo hi ku n'wi hlongola, u n'wi hlungule hi moya wa yena lowu hungaka hi matimba, tanihi siku ra xidzedze xa vuxa. 9Nandzu wa Yakobo wu herisile sweswo; hi wona mbhandzu wa ku rivaleriwa ka nandzu wa yena: Yehovha u endle maribye hinkwawo ya tialitari tanihi maribye ya mhemba lama hisiweke, lama siriweke; swifaniso swa Axera ni swifaniso swa dyambu swi nga ha tshami swi pfuxiwa.
10Hikuva muti wa matimba wu hundzuke rhumbi, muti lowu tshikiweke, lowu fularheriweke tanihi mananga, marhole ma dya, ma etlela kona, ma dya marhavi. 11Loko marhavi ma omile va ma tshova; vavasati va ta ma tshivela, hikuva i tiko leri nga tlharihangiki; hikwalaho muvumbi wa rona a nga ri tweli vusiwana.
12Kambe emikarhini yoleyo, Yehovha u ta hlakahla mihandzu, ku suka enambyeni wa Yufrata, ku fika enambyeni wa Egipta, kutani mi ta rholeriwa ha un'we, n'wina, vana va Israele! 13Emikarhini yoleyo, nanga leyikulu yi ta yimbiwa, kutani lava hlongoleriweke etikweni ra Asiriya ni lava balekeleke etikweni ra Egipta va ta ta, va khinsama emahlweni ka Yehovha, entshaveni leyi kwetsimaka, eYerusalema.
