GENESA 36

₁Rixaka ra Esawu, a nga Edomu, hi leri: ₂Esawu a a tekile vasati va yena eka vana va Vakanana: a a ri Ada, n'wana Elone wa Muhiti, na Oholibama, n'wana Ana, n'wana Sibeyoni wa Muhivhi, ₃na Basemati, n'wana Iximaele, makwavo wa Nebayoto. ₄Kutani Ada a velekela Esawu, Elifasi; Basemati a veleka Rhuwele; ₅Oholibama a veleka Yewuxi, na Yalamu na Kora. Valavo i vana va Esawu a va velekeke etikweni ra Kanana.

₆Kutani Esawu a teka vasati va yena ni vana va yena va xinuna ni va xisati, ni vanhu hinkwavo va yindlu ya yena, ni mitlhambi ya yena, ni swifuwo swa yena hinkwaswo, ni xuma xa yena hinkwaxo lexi a nga xi kuma etikweni ra Kanana, a ya aka kun'wana, ekule na Yakobo ndzisana ya yena; ₇hikuva swifuwo swa vona a swi tele hi ku hundzisisa ni ku aka swin'we, kutani tiko leri va nga luvela eka rona ri tsandzeka ku va eneta hikwalaho ka mitlhambi ya vona. ₈Kavaloko Esawu a ya aka entshaveni ya Seyira; Esawu hi yena Edomu.

₉Rixaka ra Esawu, tata wa Vaedomu, entshaveni ya Seyira, hi ro leri: ₁₀Mavito ya vana va Esawu hi lawa: Elifasi, n'wana Ada, nsati wa Esawu; Rhuwele, n'wana Basemati, nkata Esawu. ₁₁Vana va Elifasi: Temani, na Omara, na Sefo, na Gatamu, na Kenazi. ₁₂Timina a a ri nhlantswa ya nkata Elifasi, n'wana Esawu; kutani a velekela Elifasi, Amaleke. Hi vona vana va Ada, nkata Esawu.

₁₃Vana va Rhuwele hi lava: Nahata, na Zera, na Xama, na Miza. Volavo a va ri vana va Basemati, nkata Esawu.

₁₄Vana va Oholibama, n'wana Ana, n'wana Sibeyoni, nkata Esawu, hi lava: a velekela Esawu Yewuxi, na Yalamu, na Kora.

₁₅Tihosana ta tinyimba ta vana va Esawu hi leti: eka vana va Elifasi, n'wana Esawu wa mativula, hosana i Temani, ni hosana Omara, ni hosana Sefo, ni hosana Kenazi, ₁₆ni hosana Kora, ni hosana Gatamu, ni hosana Amaleke. Hi tona tihosana ta Elifasi etikweni ra Edomu. Hi volavo vana va Ada.

₁₇Vana va Rhuwele, n'wana Esawu, hi lava: hosana Nahata, ni hosana Zera, ni hosana Xama, ni hosana Miza. Valavo i tihosana ta Rhuwele, etikweni ra Edomu. Hi volavo vana va Basemati, nkata Esawu.

₁₈Vana va Oholibama, nkata Esawu, hi lava: hosana Yewuxi, ni hosana Yalamu, ni hosana Kora. Valavo i tihosana leti velekeke hi Oholibama, n'wana Ana, nkata Esawu. ₁₉Hi vona valavo vana va Esawu, a nga yena Edomu, ni tihosana ta vona, hi teto.

₂₀Vana va Seyira, wa Muhori, valavo va nga vaaki va tiko, hi lava: Lotani, na Xobala, na Sibeyoni, na Ana, na Dixoni, na Ezere, na Dixani. ₂₁Hi tona tihosana ta Vahori, vana va Seyira, etikweni ra Edomu.

₂₂Vana va Lotani, Hori na Hemami; makwavo wa xisati wa Lotani a a ri Timina.

₂₃Vana va Xobala, hi lava: Alivhani, na Manahate, na Ebali, na Xefo, na Onamu.

₂₄Vana va Sibeyoni hi lava: Aya na Ana. Hi yena Ana la nga kuma swihlovo leswo kufumela emananga, loko a ri karhi a risa timbhongolo ta Sibeyoni, tata wa yena. ₂₅Vana va Ana, hi lava: Dixoni na Oholibama, n'wana wa wansati wa Ana. ₂₆Vana va Dixoni, hi lava: Hemi-Dani, na Exibani, na Yitirana, na Kerani.

₂₇Vana va Ezere, hi lava: Bilihani, na Savhana, na Akani.

₂₈Vana va Dixani hi lava: Usi na Arani.

₂₉Tihosana ta Vahori hi leti: hosana Lotani, ni hosana Xobala, ni hosana Sibeyoni, ni hosana Ana, ₃₀ni hosana Dixoni, ni hosana Ezere, ni hosana Dixani. Hi to teto tihosana ta Vahori, hi vuhosi bya tona etikweni ra Seyira.

₃₁Hi leti, tihosi leti nga fuma etikweni ra Edomu, loko ku nga si fuma hosi eka vana va Israele. ₃₂Etikweni ra Edomu ku fuma Bela, n'wana Beyori; vito ra muti wakwe a wu ri Dinihaba. ₃₃Bela a fa, kutani ndzhaku ka yena ku fuma Yobabu, n'wana Zera, wa Bosira. ₃₄Yobabu a fa, kutani ndzhaku ka yena ku fuma Huxama, wa tiko ra Vatemani. ₃₅Huxama a fa; kutani ndzhaku ka yena ku fuma Hadadi, n'wana Bedadi, loyi a tshamaka a hlula Vamidiyani etikweni ra Mowabu, vito ra muti wa yena a wu ri Avhiti. ₃₆Hadadi a fa, kutani ndzhaku ka yena ku fuma Samila, wa Masireka. ₃₇Samila a fa; kutani ndzhaku ka yena ku fuma Xawulu wa Rehoboto, wa le kusuhi ni nambu. ₃₈Xawulu a fa; kutani ndzhaku ka yena ku fuma Baali-Hanani, n'wana Akibora. ₃₉Baali-Hanani, n'wana Akibora, a fa; kutani ndzhaku ka yena ku fuma Hadari; vito ra muti wa yena a wu ri Pawu, ni vito ra nsati wa yena a a ri Mehetabele, n'wana Matirede, n'wana wa xisati wa Mezahaba.

₄₀Mavito ya tihosana leti nga huma eka Esawu, hi tinyimba ta vona, ni matiko ya vona, hi mavito ya vona, hi lawa: hosi Timina, hosi Alivha, hosi Yetete, ₄₁hosi Oholibama, hosi Ela, hosi Pinoni, hosi Kenazi, hosi Temani, hosi Mibisara, ₄₂hosi Magadiele, hosi Iramu. ₄₃Hi tona tihosi ta Edomu hi maako ya tona etikweni leri ngi ti ri fuwile. Hi yena Esawu tata wa Vaedomu.