1 TIKRONIKA 7

₁Vana va xinuna va Isakara a va ri mune: Tola, Puwa, Yaxubu, Ximroni. ₂Vana va Tola: Uzi, Refaya, Yeriele, Yahamayi, Ibisamu, Xemuwele, ti ri tihosana ta tindlu ta vatata wa vona, va Tola, ti ri tinhenha etinxakeni ta vona. Enkarhini wa Davhida, ntsengo wa vona, a va ri 22 600. ₃Vana va Uzi: Yizirahiya; vana va Yizirahiya: Mikaele, Obadiya, Yuwele, Yixiya: tihosana ta ntlhanu. ₄Ehandle ka swona a va ri ni mavandla lama hlomeke ya vavanuna va 36 000, hi tinyimba ta vona ni tindlu ta vatata wa vona, hikuva a va ri ni vavasati lavo tala, ni vana vo tala. ₅Vamakwavo va tindlu hinkwato ta Isakara, va ri lava tiyeke enyimpini, va tsariwile hinkwavo, va ri 87 000.

₆Vana va xinuna va Benjamini a va ri vanharhu: Bela, Bekere, Yediele. ₇Vana va xinuna va Bela: Esiboni, Uzi, Uziele, Yerimoto, Iri, tihosana ta ntlhanu ta tindlu ta vatatana, ti ri tinhenha; va tsariwile va ri 22 034. ₈Vana va xinuna va Bekere: Zemira, Yowasi, Eliezere, Eli-Howenayi, Omri, Yeremoto, Abiya, Anatoto, Alemete; hinkwavo lava a va ri vana va Bekere; ₉va tsariwile hi tindlu ta vona, hi tihosana ta tindlu ta vatata wa vona va ri vavanuna va 20 200, lava tiyeke enyimpini. ₁₀Vana va xinuna va Yediele: Bilihani, vana va xinuna va Bilihani: Yewuxi, Benjamini, Ehudi, Kenaana, Zetana, Tarxixi, Ahixakara. ₁₁Hinkwavo lava i vana va Yediele, tihosana ta tindlu ta vatata wa vona va ri lava tiyeke enyimpini: va ri vavanuna va 17 200, lava humaka nyimpi.

₁₂Xupimi na Hupimi, vana va Iri; Huximi n'wana Ahere.

₁₃Vana va xinuna va Neftali: Yahasiele, Guni, Yesere, Xalumi, vana va Biliha.

₁₄Vana va xinuna va Manase: Asiriele la velekiweke hi nsati lontsongo wa yena, wa Musiriya; a veleka Makiri, tata wa Giliyadi. ₁₅Makiri a teka nsati wa ka Hupimi na Xupimi, vito ra makwavo wa wansati a a ri Maaka. Vito ra lowa vumbirhi a a ri Selofihada, Selofihada a kuma vana va xisati. ₁₆Maaka, nsati wa Makiri, a veleka n'wana wa wanuna, a n'wi thya vito ra Perexe vito ra makwavo a a ri Xerexe, vana va xinuna va yena a a ri Ulamu na Rakeme. ₁₇N'wana wa wanuna wa Ulamu: Bedani. Hi vona vana va Giliyadi, n'wana Makiri, n'wana Manase. ₁₈Makwavo wa wansati Hamoleketa a veleka Ixihodo, Abiezere na Mahela. ₁₉Vana va Xemida a a ri Ahiyana na Xikeme na Liki na Aniyama.

₂₀Vana va xinuna va Efrayimi: Xutela na Berede, n'wanakwe, na Tahata, n'wanakwe, na Eleyada, n'wanakwe, na Tahata, n'wanakwe, ₂₁na Zabada, n'wanakwe, na Xutela, n'wanakwe; na Ezere na Eleyada, Vanhu va Gati, lava tswariweke etikweni, va va dlaya, hikuva a va ngirimerile ku ya teka mitlhambi ya vona. ₂₂Efrayimi, tata wa vona a va enkosini enkarhini lowo leha, kutani vamakwavo va ta ku n'wi chavelela. ₂₃Kutani Efrayimi a ya eka nsati wa yena, a tika nyimba, a veleka n'wana wa wanuna; a n'wi thya vito ra Beriya (ekhombyeni) hikuva khombo a ri ri endlwini ya yena.

₂₄N'wana wa xisati wa yena a a ri Xera; a aka Bet-Horoni wa le hansi, na Bet-Horoni wa le henhla na Uzeni-Xera. ₂₅Refa, n'wanakwe na Rexefi, Tela n'wanakwe, na Tahani, n'wanakwe; ₂₆Ladani, n'wanakwe; Amihudi, n'wanakwe; Elixama, n'wanakwe; ₂₇Nuni, n'wanakwe, Yoxuwa, n'wanakwe; ₂₈tiko ra vona ni vuako bya vona a byi ri eBetele, ni miti ya wona, na Naarani evuxeni; na Gezere, ni miti ya wona evupeladyambu, na Xikeme, ni miti ya wona, ku fika eGaza, ni miti ya wona. ₂₉Hi tlhelo ra vana va Manase, Beta-Xeyani, ni miti ya wona, na Taanaka ni miti ya wona na Megido ni miti ya wona, na Dori, ni miti ya wona. Vana va Yosefa, n'wana Israele, va akile emitini leyi.

₃₀Vana va xinuna va Asere: Yimina, Yixivha, Ixivhi, Beriya, na Seraka, makwavo wa wansati. ₃₁Vana va xinuna va Beriya: Hebere na Malikiele hi yena la nga va tata wa Birizayiti. ₃₂Hebere a veleka Yafelete na Xomere na Hotamu, na Xuwa, makwavo wa xisati. ₃₃Vana va xinuna va Yafelete: Pasaka, na Bimihala, na Axivata. Hi vona vana va Yafelete. ₃₄Vana va xinuna va Xomere: Ahi, na Rohoga, na Yehuba na Aramu. ₃₅Vana va xinuna va Heleme, makwavo: Sofa, Yimna, Xelexi, na Amali. ₃₆Vana va xinuna va Sofa: Suwaka, Harinefere, Xuwala, Beri, Imra, ₃₇Beseri, Hodi, Xama, Xilixa, Yitirani, na Bera. ₃₈Vana va xinuna va Yetere: Yefune na Pisipa, na Ara. ₃₉Vana va xinuna va Ula: Ara, na Haniele, na Risiya. ₄₀Hinkwavo lava i vana va Asere, i tihosana ta tindlu ta vatata wa vona, vanhu lava hlawuriweke ni tinhenha, ti ri tihosi exikarhi ka tihosana. Ntsengo wa vavanuna lava tsaleriweke nyimpi a va ri 26 000.