1 TIKRONIKA 25

₁Davhida ni tindhuna ta nyimpi va hlawulela ntirho vana va Asafa ni va Hemani, ni va Yedutuni lava yimbelelaka, va tipfuna hi tiharipa, ni magubu, ni swiphambati. Hi wona ntsengo wa lava vekeriweke ntirho lowu:

₂Va vana va Asafa: Zakuru, na Yosefa, na Netaniya, na Asarela; vana va Asafa, va fambisiwa hi Asafa, la tshamaka a profeta hi ku lerisa ka hosi. ₃Va ka Yedutuni, vana va Yedutuni: Gedaliya, na Seri, na Yexaya, na Haxabiya, na Matitiya, na Ximeyi, ntlhanu na un'we va fambisiwa hi Yedutuni, tata wa vona la nga profeta hi haripa, ku dzunisa ni ku twarisa Yehovha. ₄Va ka Hemani, vana va Hemani: Bukiya, Mataniya, Uziele, Xebuwele, Yerimoto, Hananiya, Hanani, Eliyata, Gidaliti Rhomamiti-Ezere, Yoxibekaxa, Maloti, Hotiri, Mahaziyoto. ₅Hinkwavo lava a va ri vana va xinuna va Hemani, muvoni wa hosi, hilaha Xikwembu xi nga vula leswaku xi ta tlakusa rimhondzo ra Hemani. Xikwembu xi nyika Hemani vana va xinuna va khume na mune, ni vana va xisati vanharhu.

₆Hinkwavo lava a va ri ehansi ka tata wa vona ku yimbelela endlwini ya Yehovha; a va ri ni swiphambati ni magubu, ni tiharipa, swi ri swa ntirho wa yindlu ya Xikwembu. Asafa, na Yedutuni, na Hemani, a va lerisiwa hi hosi. ₇Ntsengo wa vona, loko ku hlayiwa vamakwavo lava tivaka tinsimu ta Yehovha, hinkwavo lava tivaka ku yimbelela, a va ri 288. ₈Va hlawuleriwa ntirho wa vona hi vuhlolotwana, lavantshwa kukotisa lava khale, vadyondzisi ni vadyondzisiwa.

₉Vuhlolotwana byo sungula a byi ri bya Asafa, byi hlawula Yosefa; bya vumbirhi Gedaliya, yena ni vamakwavo, ni vana va yena, a va ri 12; ₁₀bya vunharhu, Zakuru, vana va yena ni vamakwavo, 12; ₁₁bya vumune, Izri, vana va yena ni vamakwavo, 12; ₁₂bya vuntlhanu, Netaniya, vana va yena ni vamakwavo, 12; ₁₃bya ntlhanu na byin'we, Bukiya, vana va yena ni vamakwavo, 12; ₁₄bya ntlhanu na byimbirhi: Yexarela, vana va yena ni vamakwavo, 12; ₁₅bya ntlhanu na byinharhu, Yexaya, vana va yena ni vamakwavo, 12; ₁₆bya ntlhanu na mune, Mataniya, vana va yena ni vamakwavo, 12; ₁₇bya khume, Ximeyi, vana va yena ni vamakwavo 12; ₁₈bya khume na byin'we, Asarele, vana va yena ni vamakwavo 12; ₁₉bya khume na byimbirhi Haxabiya, vana va yena ni vamakwavo, 12; ₂₀bya 13, Xubaele, vana va yena ni vamakwavo, 12; ₂₁bya 14, Matitiya, vana va yena ni vamakwavo, 12; ₂₂bya 15, Yeremoto, vana va yena ni vamakwavo, 12; ₂₃bya 16, Hananiya, vana va yena ni vamakwavo, 12; ₂₄bya 17, Yoxibekaxa, vana va yena ni vamakwavo, 12; ₂₅bya 18, Hanani, vana va yena ni vamakwavo, 12; ₂₆bya 19, Maloti, vana va yena ni vamakwavo, 12; ₂₇bya 20, Eliyata, vana va yena ni vamakwavo, 12; ₂₈bya 21, Hotiri, vana va yena ni vamakwavo, 12; ₂₉bya 22, Gidaliti, vana va yena ni vamakwavo 12; ₃₀bya 13, Mahaziyoto, vana va yena ni vamakwavo, 12; ₃₁bya 24, Rhomamiti-Ezere, vana va yena ni vamakwavo, 12.