Sihlabelelo 43

₁Hhawu Nkulunkulu,

ngikhulumele ungimele ecaleni lami.

Ungephule esiveni

lesingamesabi Nkulunkulu,

ungikhulule nakumuntfu lonemacebo

nalongakalungi!

₂Ngobe wena, Nkulunkulu,

uyinqaba yami.

Ungilahleleni?

Kungani ngihambe ngilila

ngenca yekucindzetelwa titsa?

₃Tfumela kukhanya kwakho neliciniso lakho,

kutsi kutengihola.

Shangatsi kungangiyisa entsabeni lengcwele

lapho kuhlala wena khona.

₄Ngiyawusondzela elatini laNkulunkulu,

kuNkulunkulu

longumtfombo wenjabulo yami,

ngikudvumise ngehabhu,

ngidvumise Nkulunkulu,

Nkulunkulu wami.

₅Mphefumulo wami, udzabukeleni?

Uvungamelani ngekhatsi kwami?

Mani kuNkulunkulu,

ngobe ngisetawumdvumisa

uMsindzisi wami naNkulunkulu wami.