Sihlabelelo 3
Umkhuleko wekuseni ngekwetsembela kuNkulunkulu
Sihlabelelo saDavide lasihlabela ngesikhatsi abalekela umsa wakhe Absalomu.
1Maye, Simakadze,
setinyenti titsa tami!
Sebanyenti labo labangivukelako.
2Banyenti lese bafakana imilomo ngami, batsi:
“Nkulunkulu angeke amsindzise.” Cabanga.
3Kodvwa-ke wena, Simakadze,
ulihawu lami,
nebukhosi bami, uyangisimisa,
unginike sibindzi sekuncoba.
4Ngelivi lami ngikhala kuSimakadze,
uyangiphendvula asentsabeni yakhe lengcwele. Cabanga.
5Ngicambalele phansi
ngatunywa butfongo,
ngaphindze ngavuka,
ngobe Nkulunkulu uyangicinisa.
6Bantfu angibesabi,
nome bangaba ngemashumi etinkhulungwane
labangivimbetele ndzawo tonkhe.
7Vuka Simakadze,
ngisindzise, Nkulunkulu wami,
ngobe tonkhe titsa tami
utihlakaye imihlatsi,
wephula nematinyo alababi.
8Insindziso ivela kuwe, Simakadze;
sibusiso sakho asibesesiveni sakho! Cabanga.
© Bible Society of South Africa 1996. Used with permission. All rights reserved.
