Sihlabelelo 14

₁ Silima sikhuluma enhlitiyweni yaso sitsi:

“Kute Nkulunkulu la.”

Babi, benta emanyala,

kute nome munye lowenta lokulungile.

₂Simakadze utsi asezulwini

abe abuka bonkhe bantfu,

kuze atewubona kutsi ukhona yini

umuntfu lohlakaniphile,

nome munye nje, lofuna Nkulunkulu.

₃Bonkhe bedukile, bonkhe bonakele,

kute lowenta lokulungile;

kute, kute ngisho nome munye.

₄Pho, bate yini lwati

bonkhe labantfu labenta lokubi?

Badla emandla ebantfu bami

shangatsi badla sinkhwa,

bangathandazi kuSomandla.

₅Bayawufikelwa kwesaba lokukhulu,

ngobe Nkulunkulu ume nalabacotfo.

₆Ningabagongonyi labacindzetelwe,

nibaphatamise etindleleni tabo,

kodvwa Simakadze usiphephelo sabo.

₇Shangatsi ingavela eSiyoni

insindziso yesive sema-Israyeli.

Mhlazana Nkulunkulu

acedza lusizi lwebantfu bakhe,

aphindze abahlumelelisa,

Jakobe uyawujabula, Israyeli atfokote.