Sihlabelelo 129

₁“Bangihlupha kwasebusheni bami,”

akasho njalo Israyeli atsi:

₂“Bangihlupha kwasebusheni bami,

kodvwa abazange bangehlule.

₃Balimi babelima emhlane wami,

bembe lemikhulu imisele.

₄Kodvwa Simakadze ulungile,

utijubile tindilimo talababi

lababengibophe ngato.”

₅Shangatsi bonkhe labatondza Siyoni,

bangancandvwa bahlazekile.

₆Shangatsi bangafanana netjani

lobumila etikwetindlu,

bubune busengakakhuli.

₇Kute nalobuvunako, abubutse,

nome lobetfwala ngetitfungo.

₈Nalabendlulako abayiwusho

ngisho nekutsi:

“Shangatsi Simakadze anganibusisa.

Sinibusisa ngelibito laSimakadze.”