Iinkcukacha ezongezelelweyo

Sihlabelelo 127

Ingoma yaSolomoni yekuya emikhosini.

₁Indlu nayingakhiwa nguNkulunkulu,

basebentela lite labo labayakhako.

Lidolobha nalingagadvwa nguNkulunkulu,

basebentela lite labo labaligadzako.

₂Kulite kini

kuvuka ekuseni nephute nekulala,

nidle nekudla kwekuhlupheka,

ngobe Nkulunkulu uyamupha

lotsandzekako wakhe ebusuku aselele.

₃Bantfwana balifa leliphuma kuSimakadze,

basibusiso lesivela kuye.

₄Bantfwana bebusha

banjengemicibisholo

lesesandleni selichawe.

₅Ibusisiwe indvodza,

lemgodla wayo ugcwele

imicibisholo lenjalo.

Bangeke bahlazeke

nabamelene netitsa tabo

emasangweni ekwehlulela.