Sihlabelelo 126

₁Kwakungatsi siyabhudza

tsine batfunjwa baseSiyoni,

ngesikhatsi Nkulunkulu

asibuyisela eJerusalema.

₂Sahleka safa,

sahlabela tingoma tenjabulo.

Tive letibomakhelwane tatsi:

“Nkulunkulu ubentele

tintfo letinkhulu.”

₃Vele, Nkulunkulu usentele

tintfo letinkhulu,

sajabula.

₄Simakadze,

sibuyisele eveni lakitsi,

njengobe nemvula ibuyisela emanti

etihosheni temifula.

₅Labo labahlanyela ngetinyembeti

bayawuvuna ngekujabula.

₆Bantfu labahamba bakhala

betfwele inhlanyelo yekuhlanyela,

bayawufika ekhaya bampompoloza ngenjabulo,

baphetse tinyandza tesivuno.