Jobe 40

₂“Lona lophikisana naSomandla

angamkhombisa yini indlela?

Lowo lobeka Nkulunkulu licala akamphendvule!”

₄“Mine angikafanelwa lutfo,

pho, ngingaphendvula ngitsini kuwe?

Ngibeka sandla sami emlonyeni wami.

₅Ngakhuluma kanye,

kodvwa angisenamphendvulo,

kabili, kodvwa angisenakusho lutfo.”

₇“Bhukula-ke njengendvodza;

ngitakubuta, wena utangiphendvula.

₈“Ungakukhombisa yini kungalungi kwami?

Ungangilahla yini ngelicala mine,

khona utetitfola ungenacala wena?

₉Unawo yini umkhono lofanana newaNkulunkulu?

Lona liphimbo lakho

liyadvuma yini njengelakhe?

₁₀Nakunjalo-ke, tihlobise ngekubabateka nangenkhatimulo,

utembatsise ngeludvumo nangebukhosi.

₁₁Khumula sikhahlo sentfukutselo yakho,

bukisisa wonkhe umuntfu lotigcabhako,

bese umehlisela phansi,

₁₂buka bonkhe bantfu labatigcabhako,

bese uyabatfobisa.

Pitjita lababi lapho beme khona.

₁₃Bonkhe bangcwabe ndzawonye elutfulini,

sitselisa buso babo ethuneni.

₁₄Nami-ke ngitakuvumela

kutsi sandla sakho sangesekudla singakusindzisa.

₁₅“Ase ubuke imvubu lengayidala kanye nawe,

nekutsi idla tjani njengenkhabi.

₁₆Maye, makhulu emandla ayo lasemilenteni!

Yebo, emandla ayo asemisisheni lesetibilinini tayo!

₁₇Umsila wayo untjikita njengemsedari,

netinyama temilente yayo titfungene.

₁₈Ematsambo ayo ayimibhobho yelitfusi,

imikhono nemilente yayo injengemigcala yensimbi.

₁₉Ihamba embili etidalweni taNkulunkulu,

noko uMdali wayo angabhekana nayo ngenkemba yakhe.

₂₀Emagcuma ayivetela sivuno sawo,

tonkhe tilwane tesiganga tidlale edvutane nayo.

₂₁Ilala ngaphansi kwetihlahla temanyeva,

ibhace emkhatsini wemihlanga yasechaphotini.

₂₂Tihlahla temanyeva tiyifihla ematfuntini ato,

itungeletwe ngemabhabhabhulomu emfula.

₂₃Kuhhulukuhlela kwemanti emfula akuyetfusi,

idlalisela ngekuntjweza,

lite nome iJordane seyigcwele igola tintsetse.

₂₄Ukhona yini longahle ayibambe ibukile,

nome-ke ayetsiye abhobose likhala layo?”