Jobe 23

₂“Nalamuhla loku ngisakhala kakhulu,

ngobe sandla saNkulunkulu simatima kimi,

lite nome ngibubula.

₃Kube mane bengati kutsi ngingamtfola kuphi,

kube mane benginemandla ekufika lapho ahlala khona!

₄Bengiyawubeka indzaba yami embikwakhe,

umlomo wami utfulule onkhe emavi ekutivikela.

₅Bengiyawutfola kutsi utangiphendvula kanjani,

ngicabangisise kutsi utawutsini.

₆Abetawumelana nami ngemandla akhe lamakhulu yini?

Cha, abengeke angibeke licala.

₇Abeyawubona naye kutsi umelene nemuntfu lowetsembekile,

nakanjani kumehluleli wami

bengitawutfolakala ngite licala.

₈“Kodvwa nangiya emphumalanga, akekho lapho;

nangiya enshonalanga,

nalapho angimtfoli.

₉Nasebenta enyakatfo, angimboni;

nasaya eningizimu, angimfanisi ngisho nekumfanisa.

₁₀Kodvwa yena uyayati indlela lengiyitsatsako;

utawutsi angangivivinya,

ngiphume sengiyigolide.

₁₁Tinyawo tami tilandzela edvutane netinyatselo takhe.

Ngihamba endleleni yakhe,

ngingete ngaphambuka.

₁₂Angikesuki emiyalweni yetindzebe takhe.

Emavi emlomo wakhe ngiwente aba ligugu

kwendlula kudla kwami kwemalanga onkhe.

₁₃“Kodvwa nasancumile yena yedvwa,

ngubani longamelana naye?

Wenta loko lakutsandzako.

₁₄Ufeza loko lasakuncumile ngami;

usenaletinyenti tinhloso letinjalo lasetigcinile.

₁₅Kungako nje ngitfutfumela embikwakhe;

nangicabanga ngako konkhe loku, ngiyamesaba.

₁₆Nkulunkulu wente inhlitiyo yami yadzinwa;

Somandla ungitfutfumelisile.

₁₇Noko bumnyama abukangibindzisi;

yebo, bumnyama lobuphatsekako

lobungimbonye buso abukangibindzisi.”