Isaya 12

“Ngiyakudvumisa, wena Simakadze,

lite nome bewungitfukutselele,

kodvwa kutfukutsela kwakho akusekho,

esikhundleni saloko sewungidvudvutile.

₂Impela, Nkulunkulu uyinsindziso yami;

ngiyakumetsemba ngingesabi,

Simakadze, Simakadze

ungemandla ami nengoma yami;

nguye loyinsindziso yami.”

₃Ngekujabula niyawukha emanti

emitfonjeni yensindziso.

“Bongani Simakadze,

nibite Libito lakhe;

yatisani tive ngaloko lakwentile,

nimemetele kutsi Libito lakhe liphakeme.

₅Hlabelani kuSimakadze,

ngobe wente tintfo letincomekako;

loku akwatiwe emhlabeni wonkhe.

₆Memetani kakhulu,

nihlabele ngenjabulo,

nine bantfu baseSiyoni,

ngobe mkhulu

lowo Longcwele waka-Israyeli

losemkhatsini wenu.”