LIPESALEMA 15

Morena, ke mang ea ka lulang

ka Tempeleng ea hao?

Ke mang ea ka ahang

thabeng ea hao e halalelang?

₂Ke ea metsamao e se nang koli,

ea etsang tse lokileng;

ea buang 'nete

e tsoang pelong ea hae,

₃ea sa etseletseng ka leleme la hae,

ea sa etseng mohahabo hampe,

ea sa tlameletseng oa habo,

₄ea nyelisang ea khopo,

empa a hlompha

ba tšabang Morena.

Leha a ka senyeheloa,

ha a koenehele kano ea hae.

₅Ha a alimane ka chelete

ho iphumanela phaello,

ha a amohele tjotjo

ho ahlōla ea se nang molato.

Ea etsang tsena

a ke ke a sisinngoa le ka mohla.