LIPESALEMA 137

₁Mabōpong a linōka tsa Babilona,

re ne re lutse re lla,

ha re hopola Sione.

₂Meluoaneng ea tsona

re ne re fanyehile liharepa tsa rōna.

₃Ke moo ba neng ba re hapile

ba ileng ba re kōpa

hore re ba binele;

batubi ba rōna

ba re kōpa lipina tsa thabo,

ba re:

“Re bineleng lifela tsa Sione!”

₄Re ka bina sefela sa Morena joang,

lefatšeng la balichaba?

₅Haeba nka u lebala,

uena Jerusalema,

letsoho la ka le letona le ke le shoe.

₆Leleme la ka

le khomarele mahalapeng a ka,

haeba ke sa u hopole,

ke sa thabele Jerusalema,

ke sa e thabele ho feta tsohle.

₇Morena, ak'u hopole,

ak'u hopole bana ba Edomo,

mohl'a letsatsi la Jerusalema,

ha ba ne ba re:

“E heletseng, e heletseng,

ho isa methèong ea eona!”

₈Uena motse oa Babilona,

u seng u tla ripitloa,

ho lehlohonolo ea tla u buseletsa

seo u re entseng sona.

₉Ho lehlohonolo

ea tla nka masea a hao,

a a pshatlanye holim'a lefika.