LIPESALEMA 124

Hoja Morena a se ke a ba le rōna,

Iseraele a ke a rialo,

₂hoja Morena a se ke a ba le rōna,

ha batho ba ne ba re tsohela matla,

₃ba ka be ba re koentse

re ntse re phela,

ha khalefo ea bona

e ne e re tlōketse;

₄likhōhōla li ka be li re hōhōtse,

liphororo li ka be li re pupelitse;

₅metsi a befileng

a ka be a re pupelitse.

₆Ho bokoe Morena

ea sa kang a lesa hore ba re je.

₇Re phonyohile joaloka nonyana

lerabeng la batšoasi;

leraba la khaoha,

'me ra phonyoha.

₈Thuso ea rōna e tsoa ho Morena,

ea entseng maholimo le lefatše.