LIPESALEMA 122

Ke ile ka thaba ha ho thoe ho 'na:

“A re eeng ka Tlung ea Morena.”

₂Joale maoto a rōna a eme likhorong,

likhorong tsa hao, Jerusalema.

₃Jerusalema e hahiloe e le motse,

tsohle tsa oona li teteane hamonate.

₄Ke moo ho nyolohelang melōko,

melōko eohle ea Morena,

ka taelo e neiloeng Iseraele,

hore e e'o boka lebitso la Morena.

₅Ke moo litulo tsa kahlōlo

li leng teng,

litulo tsa ntlo ea Davida.

₆Rapellang Jerusalema e be le khotso:

“Ba u ratang ba ke ba atlehe.

₇Khotso e ke e be

kahar'a marako a hao,

le katleho

ka matlung a hao a bokhosi.”

₈Ka baka la baheso

le metsoalle ea ka, ke tla re:

“Khotso e ke e be le uena.”

₉Ka baka la Ntlo ea Morena,

Morena Molimo oa rōna,

ke tla u kōpela tse molemo.