LIPESALEMA 114

₁Mohla Iseraele a tsoang Egepeta,

ba ntlo ea Jakobo ba tloha,

ba tloha sechabeng sesele,

₂Juda ea e-ba sehalalelo sa Morena,

Iseraele ea e-ba 'muso oa hae.

₃Leoatle ha le ba bona la baleha,

Jorodane ea checha kasanthao.

₄Lithaba tsa thala joaloka lipheleu,

maralla joaloka likonyana.

₅Uena leoatle, u balehela'ng?

Le uena Jorodane,

u chechela'ng kasanthao?

₆Lōna lithaba,

ke'ng ha le thala joaloka lipheleu,

le lōna maralla, joaloka likonyana?

₇Uena lefatše, thōthōmela,

thothomela pel'a fahleho sa Morena,

pel'a sefahleho

sa Molimo oa Jakobo;

₈eena ea fetolang lefika

letša la metsi,

lejoe la moralla a le fetole seliba.