LIPESALEMA 11

Ke tšabela ho Morena.

Ke'ng ha le re ho 'na:

“Balehela thabeng

joaloka nonyana?”

₂Ba khopo ba se ba hula

liqha tsa bona,

ba khoesa metsu ea bona,

ba e khoesa ba le lefifing

ho fula ba pelo li ntle.

₃Ha methèo e se e helelitsoe,

ea lōkileng a ka etsa eng?

₄Morena o ka tempeleng ea hae

e halalelang,

terone ea Morena e maholimong.

Mahlo a hae a bona bana ba batho,

oa ba talimisisa, oa ba hlahloba.

₅Morena o hlahloba

ea lokileng le ea khopo,

ea sehlōhō eena o mo hloile.

₆Ba khopo o tla ba nesetsa mashala,

mashala a hlenneng le sebabole,

kabelo ea bona

e tla ba moea o tukang.

₇Morena o lokile,

'me o rata tse lokileng;

ba pelo li ntle

ba tla bona fahleho sa hae.