LIPESALEMA 1

₁Ho lehlohonolo motho

ea sa lateleng likeletso

tsa ba khopo,

ea sa tsamaeeng

tseleng ea baetsalibe,

ea sa luleng mokhatlong oa basomi;

₂a mpa a thabela Molao oa Morena,

Molao oo a o nahana

motšeare le bosiu.

₃Eo o joaloka sefate se hlomiloeng

pel'a metsi a noesetsang,

se behang litholoana

ka nako ea tsona,

seo mahlaku a sona a sa poneng.

Eena o atleha ho tsohle

tseo a li etsang.

₄Ba khopo bona ha ba joalo;

empa ba joaloka 'mōkō

o fefoloang ke moea.

₅Kahoo ba khopo ba ke ke

ba phema kahlōlo,

baetsalibe ba ke ke

ba balelloa le ba lokileng;

₆hobane Morena o tseba tsela

ea ba lokileng,

athe tsela ea ba khopo

e isa timelong.