Molaetsa o molemo oa topollo
1Moea oa Morena Molimo
o holim'a ka,
hobane o ntlotselitse
ho bolella mafutsana,
molaetsa o molemo.
O nthōmetse ho thoba pelo
tsa ba soabileng,
ho phatlalletsa bathōpuoa
tsa tokoloho
le hore ba chankaneng
ba tla lokolloa;
2ho phatlalatsa selemo sa Morena,
lemo sa mehauhelo,
le letsatsi la phetetso
ea Morena oa rōna,
le ho tšelisa bohle
ba leng bofifing;
3ho nea ba Sione ba leng bofifing
moqhaka o khabane
bakeng sa molora,
ole ea thabo
bakeng sa bofifi,
seaparo sa thoriso
bakeng sa masoabi,
ba tle ba bitsoe fate tsa ho loka,
tse lenngoeng ke Morena
hore a tl'a tlotlisoe.
Moputso oa Baiseraele
4Ba tla tsosa masupi a khale,
ba nchafatse thako tsa boholo-holo;
ba tla tsosa metse e neng e ripitloe,
lithako tsa melōko e mengata-ngata.
5Balichaba ba tla le sebeletsa,
ba be ba lise le mehlape ea lōna,
melata e le lemele masimo,
e le hlomele le morara oa lōna.
6Lōna le tla bitsoa
baprista ba Morena,
le bitsoe
basebeletsi ba Molimo oa rōna.
Maruo a balichaba
a tla jeoa ke lōna,
le ithorise ka tlōtla ea bona.
7Kaha lihlong tsa lōna
li phetahane habeli,
ho songoa le mahlapa
e bile kabelo ea lōna,
leruo la naha ea lōna
le tla eketseha habeli,
thabo ea lōna
e be ea kamehla le mehla.
8“'Na Morena, ke rata toka,
bolotsana le bokhopo ke li hloile;
ke tla tšepahala,
ke ba nee moputso oa bona,
ke etse selekane
sa kamehla eohle le bona.
9Molōko oa bona
o tla tsejoa ke balichaba,
litlōhōlō tsa bona
li tsejoe har'a machaba;
bohle ba li bonang
ba tla li tseba,
ba li tsebe e le molōko,
molōko o hlohonolofalitsoeng,
oa hlohonolofatsoa ke Morena.”
10Ke tla thabela Morena
ka pelo ea ka eohle,
moea oa ka
o thabele Molimo oa ka haholo,
hobane o nkapesitse kobo
ea ho pholosoa,
a nkoahela ka seaparo sa ho loka,
joalokaha monyali
a ikhabisa ka moqhaka,
a ikhabisa
joaloka moprista a ikhabisa,
monyaluoa a tlatlapela
mabenyane a hae.
11Joalokaha mobu
o melisa limela tsa oona,
tšimo le eona e melisa
lijalo tsa eona,
Morena Molimo o tla melisa
ho loka le ho rorisa,
tsena a li melise
moo machaba 'ohle a li bonang.
