1 LIKETSAHALO 7

₁Bara ba Isakare e ne e le Tola, le Pua, le Jashobe, le Shimerone. Kaofela ba ne ba le bane.

₂Bara ba Tola e ne e le Usi, le Refaea, le Jeriele, le Jahemai, le Jibesame, le Samuele. E ne e le lihlooho tsa malapa a ntat'a bona Tola, e bile e le bahale. Mehleng ea Davida palo ea litlōhōlō tsa Tola e ne e le likete tse mashome a mabeli a metso e 'meli le makholo a tšeletseng. ₃Mora oa Usi e ne e le Jiserahiea, bara ba Jiserahiea e le Mikaele, le Obadiea, le Joele, le Jishiea. Ba ne ba le bahlano. Kaofela ha bona e ne e le lihlooho tsa malapa abo bona. ₄Ho ea ka ho hlahlamana ha malapa abo bona, ba ne ba e-na le bahlabani ba likete tse mashome a mararo a metso e tšeletseng, kaha ba ne ba nyetse sethepu, 'me ba e-na le bana ba bangata. ₅Bang ka bona, e leng ba lelōko lohle la Isakare, e ne e le bahlabani ba likete tse mashome a robeli a metso e supileng.

₆Bara ba Benjamine e ne e le Bela, le Bekere, le Jediaele. Ba ne ba le bararo. ₇Bara ba Bela bona e ne e le Esebone, le Usi, le Usiele, le Jerimote, le Iri. Ba ne ba le bahlano. E ne e le lihlooho tsa malapa abo bona, e bile e le bahale. Bukeng eo ba ngotsoeng ho eona, ba ne ba le likete tse mashome a mabeli a metso e 'meli, le mashome a mararo a metso e mene. ₈Bara ba Bekere bona e ne e le Semira, le Jōoashe, le Eleesere, le Eleunai, le Omeri, le Jeremote, le Abiea, le Anatotiea, le Alemete. Bana kaofela e ne e le bara ba Bekere. ₉Buka eo ba ngotsoeng ho eona, ho ea ka malapa abo bona, e hlahisa lihlooho tsa malapa, le bahlabani ba likete tse mashome a mabeli le makholo a mabeli. ₁₀Mora oa Jediaele e ne e le Bilehane; bara ba Bilehane e le Jeushe, le Benjamine, le Ehude, le Kenaneea, le Setane, le Tarashishe, le Ahishahare. ₁₁Bana kaofela e ne e le litlōlōlō tsa Jediaele, e le lihlooho tsa malapa abo bona, e bile e le bahale. Ba ne ba le likete tse leshome le metso e supileng le makholo a mabeli, 'me e le malala-a-laotsoe. ₁₂Bara ba Ire e ne e le Shupime, le Hupime; mora oa Ahere e le Hushime.

₁₃Bara ba Nafthali e ne e le Jaheseele, le Guni, le Jesere, le Shalōme. E ne e le litlōhōlō tsa Bileha.

₁₄Bara ba Manase, bao a ba tsoaletsoeng ke mosali oa hae oa lefielo, oa Moarame, e ne e le Aserele le Makiri, ntat'a Gileade. ₁₅Eaba Makiri o nyala khaitseli ea Hupime le Shupime, eo lebitso la eona e neng e le Maaka. Mora oa bobeli oa Manase e ne e le Selofehade, ea ileng a ba le barali feela.

₁₆Maaka, mohats'a Makiri, a tsoala mora, 'me a mo rea lebitso la Pereshe, moena oa hae e le Shereshe. Bara ba Pereshe e ne e le Ulame, le Rakema. ₁₇Mora oa Ulame e ne e le Bedane. Bana e ne e le bona litlōhōlō tsa Gileade, mora oa Makiri, setlōhōlō sa Manase. ₁₈Khaitseli ea Gileade, Hamolekete, a tsoala Ishe-Hode, le Abiesere, le Mahala. ₁₉Bara ba Shemida e ne e le Akiane, le Shekeme, le Lekehi, le Aniame.

₂₀Mora oa Efraime e ne e le Shutela. Shutela a tsoala Berede, Berede a tsoala Elada, Elada a tsoala Tahate, ₂₁Tahate a tsoala Sabada, Sabada a tsoala Shutela. Efraime o ne a e-na le bara ba bang ba babeli, e leng Esere le Elade, ba neng ba bolaoe ke banna ba matsoalloa a Gate, ha ba ne ba il'o hape mehlape ea bona. ₂₂Ntat'a bona Efraime a ba llela ka nako e telele, 'me bana babo ba tla ho tla mo tšelisa.

₂₃Efraime a boela a kena likobong tsa mosali ao hae. Mosali eo oa hae a ithoala, 'me a tsoala mora. Efraime a mo rea lebitso la Beria, hobane lelapa la hae le ne le hlahetsoe ke bomalimabe. ₂₄Morali oa Efraime e ne e le Sheera ea ileng a haha Bete-Horone e tlase, le e holimo, le Usene-Sheera. ₂₅Mora e mong oa Efraime e ne e le Refa. Refa a tsoala Reshefe, Reshefe a tsoala Tela, Tela a tsoala Tahane, ₂₆Tahane a tsoala Ladane, Ladane a tsoala Amihude, Amihude a tsoala Eleshama, ₂₇Eleshama a tsoala Nune, Nune a tsoala Joshua.

₂₈Naha ea bona, eo ba neng ba ahile ho eona, e ne e le Bethele le metsana ea eona. Ka bochabela e le Naarane, ka bophirimela e le Gesere le metsana ea eona, le Shekeme le metsana ea eona, le ho ea fihla Aea le metsaneng ea eona. ₂₉Meeling ea ba morabe oa Manase e le Bete-Sheane le metsana ea eona, le Taanake le metsana ea eona, le Megido le metsana ea eona, le Dore le metsana ea eona. Bara ba Josefa, mora oa Iseraele, ba ne ba ahile metseng ena.

₃₀Bara ba Ashere e ne e le Jimena, le Jishefa, le Jishefi, le Beria, khaitseli ea bona e le Sera. ₃₁Bara ba Beria e ne e le Hebere, le Malekiele, ntat'a Biresaite. ₃₂Hebere a tsoala Jafelete, le Shomere, le Hotame, le khaitseli ea bona Shua. ₃₃Bara ba Jafelete e ne e le Pasaka, le Bimehale, le Ashefate. ₃₄Bara ba Shemere e ne e le Ahi, le Rohega, le Jehuba, le Arame. ₃₅Bara ba ngoan'abo Heleme e ne e le Sofa, le Jimena, le Sheleshe, le Amale. ₃₆Bara ba Sofa e ne e le Shua, le Harenefere, le Shuale, le Beri, le Jimera, ₃₇le Besere, le Hode, le Shama, le Shilesha, le Jiterane, le Beera. ₃₈Bara ba Jetere e ne e le Jefune, le Pisepa, le Ara. ₃₉Bara ba Ula e ne e le Arake, le Haniele, le Riseea.

₄₀Bana bohle e ne e le litlōhōlō tsa Ashere, e le lihlooho tsa malapa abo bona. E ne e le mokhetho oa bahale, e bile e le baokameli ba mahosana. Ba ngotsoeng bukeng ea lelōko e ne e le bahlabani ba likete tse mashome a mabeli a metso e tšeletseng.