1 LIKETSAHALO 2

₁Bana ke bara ba Iseraele: Rubene, le Simeone, le Levi, le Juda, le Isakare, le Sebulone, ₂le Dane, le Josefa, le Benjamine, le Nafthali, le Gade, le Ashere.

₃Bana ke bara ba Juda: Ere, le Onane, le Shela. Bana ba bararo o ile a ba tsoalloa ke morali oa Shua oa Mokanana. Ere, letsibolo la hae, o ne a le khopo mahlong a Morena, 'me Morena a 'molaea. ₄Tamare, ngoetsi ea Juda, a tsoalla Juda Perese le Sera. Kaofela bara ba Juda ba ne ba le bahlano.

₅Bara ba Perese ke Heserone, le Hamule. ₆Bara ba Sera ke Simeri, le Etane, le Hemane, le Kalekole, le Dara. Kaofela ba ne ba le bahlano. ₇Bara ba Karimi ke Akare, ea ileng a kenya Baiseraele tšōtso linaleng, ka ho inkela lintho tse rōhakehileng. ₈Mora oa Etane ke Asariea.

₉Heserone a tsoalloa bara bana: Jerahemeele, le Rama, le Kalebe. ₁₀Rama a tsoala Aminadabe, Aminadabe a tsoala Naheshone, e leng eena khosana ea bana ba Juda. ₁₁Naheshone a tsoala Salemone, Salemone a tsoala Boase. ₁₂Boase a tsoala Obede, Obede a tsoala Jese. ₁₃Mora oa Jese oa letsibolo ke Eliabe, oa bobeli ke Abinadabe, oa boraro ke Shima, ₁₄oa bone ke Netanele, oa bohlano ke Radai, ₁₅oa botšelela ke Oseme, oa bosupa ke Davida. ₁₆Likhaitseli tsa bona e ne e le Seruea le Abikaele. Bara ba Seruea ba ne ba le bararo, e le Abishai, le Joabe, le Asaele. ₁₇Abikaele a tsoala Amasa, eo ntat'ae e neng e le Jetere oa Moishemaele.

₁₈Asuba a tsoalla Kalebe, mora oa Heserone, morali ea bitsoang Jeriote. A mo tsoalla le bara bana: Jeshere, le Shobabe, le Aradone. ₁₉Hoba Asuba a shoe, Kalebe a nyala Eferata, ea ileng a mo tsoalla Hure. ₂₀Hure a tsoala Uri, Uri a tsoala Besalele.

₂₁Ha Heserone a e-na le lilemo tse mashome a tšeletseng, a nyala morali oa Makiri, ntat'a Gileade. Mosali eo a mo tsoalla mora ea bitsoang Segube. ₂₂Segube a tsoala Jaire, ea ileng a ba le metse e mashome a mabeli a metso e meraro naheng ea Gileade. ₂₃Gesure, le Arame ba hapa Metse ea Jaire, le Kenate le metsana ea eona. E ne e le metsana e mashome a tšeletseng. Bana bohle ke litlōhōlō tsa Makiri, ntat'a Gileade. ₂₄Hoba Heserone a shoe, Kalebe, mora oa hae, a kenela Eferata, mohatsa ntat'ae, 'me eo a mo tsoalla Ashehure, ea ileng a thea Tekōoa.

₂₅Bana ke bara ba Jerahemeele, letsibolo la Heserone: Rama ke eena letsibolo, e nt'o ba Buna, le Orene, le Oseme, le Ahiea. ₂₆Jerahemeele o ne a e-na le mosali e mong ea bitsoang Atara; Atara a tsoala Oname. ₂₇Bara ba Rama, letsibolo la Jerahemeele, ke bana: Maase, le Jamine, le Ekere. ₂₈Bara ba Oname ke Shamai le Jada. Bara ba Shamai ke Nadabe le Abishure. ₂₉Lebitso la mosali oa Abishure e ne e le Abihaele, ea ileng a mo tsoalla Akabane, le Molede. ₃₀Bara ba Nadabe ke Selede, le Apaime. Selede a shoa a se na bana. ₃₁Apaime a tsoala Ishi, Ishi a tsoala Sheshane, Sheshane a tsoala Akalai.

₃₂Bana ke bara ba Jada, ngoan'abo Shamai: Jetere le Jonathane. Jetere a shoa a se na bana. ₃₃Bara ba Jonathane ke Pelete le Sasa. Bana kaofela ke bona litlōhōlō tsa Jerahemeele.

₃₄Sheshane o ne a se na bara, a e-na le barali feela. O ne a e-na le mohlanka oa Moegepeta ea bitsoang Jareha. ₃₅Sheshane a nea mohlanka eo oa hae, Jareha, morali oa hae, 'me morali eo a mo tsoalla Atai. ₃₆Atai a tsoala Nathane, Nathane a tsoala Sabada, ₃₇Sabada a tsoala Efalale, Efalale a tsoala Obede. ₃₈Obede a tsoala Jehu, 'me Jehu a tsoala Asariea. ₃₉Asariea a tsoala Helese, Helese a tsoala Eleasa, ₄₀Eleasa a tsoala Sisemai, Sisemai a tsoala Shalōme, ₄₁Shalōme a tsoala Jekamia, Jekamia a tsoala Eleshama.

₄₂Bana ke bara ba Kalebe, ngoan'abo Jerahemeele: Mesha, e leng letsibolo la hae, a tsoala Sife, Sife a tsoala Maresha, Maresha a tsoala Heborone. ₄₃Bara ba Heborone ke Kora, le Tapua, le Regeme, le Shema. ₄₄Shema a tsoala Rahama, Rahama a tsoala Jorokōoame. Regeme a tsoala Shamai. ₄₅Mora oa Shamai e ne e le Maone, ea ileng a thea Bete-Sure.

₄₆Kalebe o ne a e-na le mosali oa lefielo ea bitsoang Efa, 'me a mo tsoalla bara ba bararo, e leng Harane, le Mosa, le Gasese. Harane e ne e le ntat'a Gasese.

₄₇Bana ke bara ba Jahadai: Regeme, le Jotame, le Geshane, le Pelete, le Efa, le Shaafe. ₄₈Maaka, mosali oa lefielo oa Kalebe, a tsoala Shebere, le Tirehana. ₄₉A ba a tsoala le Shaafe, ea ileng a thea Mademana; a tsoala le Shefa, ea ileng a thea Makebena, le Gibea. Morali oa Kalebe e ne e le Akasa.

₅₀Bana ke litlōhōlō tsa Kalebe, mora oa Hure, letsibolo la Eferata: Shobale a thea Kiriate-Jearime, ₅₁le Salema, ea ileng a thea Betlelehema, le Harefe, ea ileng a thea Bete-Gadere. ₅₂Litlōhōlō tsa Shobale, ea ileng a thea Kiriate-Jearime, e ne e le Baharōoe, e leng halofo ea morabe oa Bamanahate. ₅₃Merabe ea Kiriate-Jearime ke ena: Bajethero, le Baputi, le Bashoma, le Bamishera. Bona ba ile ba tsoala merabe ea Basore le Baeshetaole.

₅₄Bana ke litlōhōlō tsa Salema: Betlelehema, Banetofa, le Atarote-Bete-Joabe, le halofo ea morabe oa Bamanahate, le Basora. ₅₅Ena ke merabe ea bangoli ba neng ba ahile Jabese: Batire, le Bashima, le Basuka. Bana ke bona Bakene ba tsoetsoeng ke Hamate, e leng ntat'a ba lelapa la Rekabe.