TŠENOLO 15

₁Joale leholimong ka bona pontšo e 'ngoe e kholo, e makatsang: mangeloi a supileng a nkileng likotlo tse supileng tsa ho qetela, tse tla phethahatsa khalefo ea Molimo.

₂Ka bona ho tšoanang le leoatle le kang khalase, le kopaneng le mollo. Holim'a lona ho ne ho eme ba hlōtseng sebatana le setšoantšo sa sona, le palo e emetseng lebitso la sona, ba tšoere liharepa tsa Molimo. ₃Ba ne ba bina sefela sa Moshe, mohlanka oa Molimo, le sefela sa Konyana, ba re:

₅Kamorao ho tsena ka bona tempele e leholimong, e nang le tente ea bopaki, e buleha. ₆Mangeloi a supileng, a nkileng likotlo tse supileng, a tsoa ka tempeleng a apere masela a hloekileng, a masoeu, a itlamme lifubeng ka maqhama a khauta. ₇Eaba se seng sa libōpuoa tse 'ne tse phelang se nea mangeloi a supileng mafisoana a khauta a supileng, a tletseng khalefo ea Molimo ea phelang kamehla le mehla. ₈Tempele ea tlala mosi o tsoang tlōtleng ea Molimo le matleng a hae, hoo ho neng ho se motho ea ka kenang ka tempeleng, likotlo tse supileng tse tlisoang ke mangeloi a supileng li e-s'o phethahale.