LIPESALEMA 57

₂Nkhauhele, oho, Molimo nkhauhele,

hobane ke tšabela ho uena.

Ke tšabela moriting

oa mapheo a hao,

ho fihlela koluoa e ba e feta.

₃Ke ipiletsa ho Molimo

Ea Holimo-limo,

eena Molimo ea nketsetsang tsohle.

₄A le maholimong, a ke a nthusetse;

a ferekanye ea nkhatakelang.

Molimo a ntšitse

ka mohau oa hae,

a mpontše botšepehi ba hae.

₅Ke lutse har'a litau

tse harolang batho;

meno a tsona

a ka marumo le metsu,

maleme a tsona

a ka sabole tse bohale.

₆Molimo, bontša hore

u okametse maholimo,

tlōtla ea hao

e phahamele lefatše lohle.

₇Ba chehile maoto a ka ka leraba,

'me moea oa ka o siame;

ba ncheketse lemena,

empa ke bona

ba oetseng ka ho lona.

₈Pelo ea ka e matlafetse, Molimo,

pelo ea ka e matlafetse;

ke tla bina, ke u roke.

₉Tsoha, moea oa ka;

tsohang, lōna thomō le harepa;

ke tla tsoha mafube a e-s'o hlahe.

₁₀Morena, ke tla u boka har'a lichaba,

ke u roke har'a merabe;

₁₁hobane mohau oa hao o moholo,

o fihla maholimong,

le botšepehi ba hao

bo fihla marung.

₁₂Molimo, bontša hore

u okametse maholimo,

tlōtla ea hao

e phahamele lefatše lohle.