LIPESALEMA 47

₂Lōna lichaba tsohle, opang mahofi;

faphang Molimo ka mehoo ea thabo.

₃Morena ea holimo-limo oa tšabeha;

ke eena khosi e kholo,

khosi ea lefatše lohle.

₄O bea lichaba tlas'a puso ea rōna,

merabe katlas'a maoto a rōna.

₅O re khethela lefa la rōna,

bokhabane ba Jakobo

eo a mo ratileng.

₆Molimo o nyolohile

ka mehoo ea thabo,

Morena o nyolohile ka molumo,

ka molumo oa terompeta.

₇Rokang Molimo, mo rokeng;

rokang khosi ea rōna, e rokeng.

₈Molimo ke khosi ea lefatše lohle,

mo rokeng ka bokheleke.

₉Molimo o rena holim'a lichaba,

Molimo o lutse teroneng,

teroneng ea hae e halalelang.

₁₀Mahosana a lichaba

a bōkane hammoho,

hore e be sechaba

sa Molimo oa Aborahama;

hobane babusi ba lefatše

ke ba Molimo,

'me eena

o kaholimo-limo ho bohle.