LIPESALEMA 46

₂Molimo ke setšabelo sa rōna

le matla a rōna;

ke thuso e teng kamehla,

thuso matšoenyehong.

₃Ka baka leo, re ke ke ra tšaba,

leha lefatše le ka reketla,

le lithaba tsa sisinyeha

botebong ba leoatle;

₄leha metsi a lona a ka befa,

a tlōkōma mafilo,

lithaba tsa reketlisoa

ke ho tuluana ha 'ona.

₅Nōka e teng eo makala a eona

a thabisang motse oa Molimo,

leaho le halalelang

la Ea Holimo-limo.

₆Molimo o bohareng ba motse oo,

o ke ke oa sisinyeha;

Molimo o tla o thusa

ha mafube a hlaha.

₇Lichaba lia befa,

mebuso ea sisinyeha;

ha a kharuma,

lefatše lea qhibiliha.

₈Morena oa mabōtho o na le rōna,

Molimo oa Jakobo

ke qhobosheane ea rōna.

₉Tloong,

le bohe mesebetsi ea Morena,

kamoo a ripitlileng lefatše kateng.

₁₀O felisa lintoa

ho isa pheletsong tsa lefatše;

o robakanya liqha, a pōme marumo,

a chese lithèbè mollong, a re:

₁₁“Khaotsang, le tsebe

hore 'na ke Molimo,

ke tla okamela lichaba,

ke okamele lefatše.”

₁₂Morena oa mabōtho o na le rōna,

Molimo oa Jakobo

ke qhobosheane ea rōna.