LIPESALEMA 127

Haeba e se Morena

ea hahang ntlo,

ba e hahang ba sebeletsa lelea.

Haeba e se Morena

ea lebelang motse,

ea o lebelang o falimehela lefeela.

₂Ke lefeela ha le tsoha kameso,

kapa le lieha ho robala,

le itjella bohobe

boo le bo fumanang ka thata,

athe eena o fa baratuoa ba hae

ba ntse ba ithobaletse.

₃Ruri bana ke lefa

le tsoang ho Morena,

tholoana ea pōpelo ke moputso.

₄Joaloka metsu

e letsohong la mohale,

bana ba bocha ba motho,

le bona ba joalo.

₅Ho lehlohonolo monna

ea tlatsitseng khohlopo ea hae,

a e tlatsa ka eona.

A ke ke a hlajoa ke lihlong,

ha a ngangisana le lira tsa hae,

a ngangisana le tsona

khorong ea motse.