LIPESALEMA 121

Mahlo a ka a talima lithabeng;

ekaba thuso ea ka e tla tsoa kae?

₂Thuso ea ka e tsoa ho Morena,

ea entseng maholimo le lefatše.

₃A ke ke a tlohela leoto la hao,

a le tlohella ho thella,

molebeli oa hao a ke ke a otsela.

₄Ruri molebeli oa Iseraele

ha a otsele, ha a khalehe.

₅Morena ke molebeli oa hao,

Morena ke moriti oa hao

ka letsohong la hao le letona.

₆Tsatsi le ke ke

la u ntša kotsi motšeare,

leha e le khoeli bosiu.

₇Morena o tla u sireletsa,

a u sireletse bobeng bohle,

a baballe bophelo ba hao.

₈Morena o tla u lebela

ha u e-ea le ha u khutla,

ho tloha joale le kamehla eohle.