NEHEMIA 11

₁Baetapele ba sechaba ba aha Jerusalema. Sechaba sona sa etsa lōtho, ho khetha motho a le mong ho ba leshome, hore a e'o aha Jerusalema, e leng motse o halalelang; ba robong, ho ba leshome, bona ba ahe metseng e meng. ₂Sechaba sa lakaletsa batho bohle ba ileng ba ithaopela ho aha Jerusalema lehlohonolo.

₃Batho bana ke bona baetapele ba ileng ba aha Jerusalema. E ne e le Baiseraele ba bang, le baprista, le Balevi, le basebeletsi ba Tempele, le litlōhōlō tsa bahlanka ba Solomone, athe ba bang bona ba ile ba aha metseng ea habo bona, e naheng ea Juda.

₄Ba bang ba morabe oa Juda, le ba morabe oa Benjamine, ba aha Jerusalema. Ho ba morabe oa Juda e ne e le bana: Ataea, mora oa Usiea, Usiea ea tsoetsoeng ke Sekariea, Sekariea ea tsoetsoeng ke Amariea, Amariea ea tsoetsoeng ke Shefatiea, Shefatiea ea tsoetsoeng ke Mahalalele, oa bara ba Perese, ₅le Maasiea ea tsoetsoeng ke Baruke, Baruke ea tsoetsoeng ke Kolohose, Kolohose ea tsoetsoeng ke Hasaea, Hasaea ea tsoetsoeng ke Adaea, Adaea ea tsoetsoeng ke Joearibe, Joearibe ea tsoetsoeng ke Sekariea, Sekariea ea tsoetsoeng ke Shilone. ₆Litlōhōlō tsa Perese, tse neng li ahile Jerusalema, e ne e le bahale ba makholo a mane le mashome a tšeletseng a metso e robeli.

₇Ho ba morabe oa Benjamine e ne e le Salō ea tsoetsoeng ke Meshulame, Meshulame ea tsoetsoeng ke Joede, Joede ea tsoetsoeng ke Pedaea, Pedaea ea tsoetsoeng ke Kolaea, Kolaea ea tsoetsoeng ke Maasiea, Maasiea ea tsoetsoeng ke Itiele, Itiele ea tsoetsoeng ke Jeshaea. ₈Salo o ne a hlahlangoa ke bo-Gabai le Salai, kaofela e le banna ba makholo a robong le mashome a mabeli a metso e robeli. ₉Mookameli oa bona e ne e le Joele, mora oa Sikeri, 'me Juda, mora oa Senua, e ne e le motlatsi oa mookameli.

₁₀Baprista e ne e le Jedaea, mora oa Joearibe, le Jakine; ₁₁le Seraea mora oa Hilekiea, Hilekiea ea tsoetsoeng ke Meshulame, Meshulame ea tsoetsoeng ke Sadoke, Sadoke ea tsoetsoeng ke Meraote, Meraote ea tsoetsoeng ke Ahitube, Ahitube eo e neng e le mookameli oa Tempele ea Molimo. ₁₂Bana babo bona, ba neng ba sebeletsa ka Tempeleng, ba ne ba le makholo a robeli le mashome a mabeli a metso e 'meli. Hape e ne e le Adaea, ea tsoetsoeng ke Jerohame, Jerohame ea tsoetsoeng ke Pelaleea, Pelaleea ea tsoetsoeng ke Amasi, Amasi ea tsoetsoeng ke Sekariea, Sekariea ea tsoetsoeng ke Pashahure, Pashahure, Pashahure ea tsoetsoeng ke Malakiea. ₁₃Bana babo bona, e leng lihlooho tsa malapa abo bona, ba ne ba le makholo a mabeli le mashome a mane a metso e 'meli. Hape e le Amashesai, mora oa Asariele, Asariele ea tsoetsoeng ke Akasai, Akasai ea tsoetsoeng ke Meshilemote, Meshilemote ea tsoetsoeng ke Imere. ₁₄Bana babo bona, bao e neng e le bahale, ba ne ba le lekholo le mashome a mabeli a metso e robeli. Mookameli oa bona e ne e le Sabediele, mora oa Hagedoleme.

₁₅Balevi e ne e le Shemaea ea tsoetsoeng ke Hashube, Hashube ea tsoetsoeng ke Asarikama, Asarikama ea tsoetsoeng ke Hashabiea, Hashabiea ea tsoetsoeng ke Buni. ₁₆Bo-Shabetai le Josabada, bao e neng e le lihlooho tsa Balevi, bona ba ne ba laola mesebetsi e etsoang kantle ho Tempele. ₁₇Mataneea, mora oa 'Mika, 'Mika ea tsoetsoeng ke Sabedi, Sabedi ea tsoetsoeng ke Asafo, eena e ne e le motsamaisi oa libini le moetapele oa lithapelo. Bakabukiea e ne e le motlatsi oa Mataneea. Hape e le Abada, mora oa Shamua, Shamua ea tsoetsoeng ke Galale, Galale ea tsoetsoeng ke Jedutune. ₁₈Motseng ona o halalelang, Balevi bohle ba ne ba le makholo a mabeli le mashome a robeli a metso e mene.

₁₉Balebeli ba menyako e ne e le bo-Akube le Talamone, le bana babo bona. Ba ne ba le lekholo le mashome a supileng a metso e 'meli.

₂₀Baiseraele ba bang, le baprista, le Balevi, ba ne ba ahile metseng eohle ea Juda, motho ka mong a aha lithakong tsa ntat'ae.

₂₁Basebeletsi ba Tempele bona ba ne ba ahile Ofele, ba okametsoe ke Siha le Gishepa.

₂₂Mookameli oa Balevi Jerusalema, e ne e le Usi, mora oa Bani, Bani ea tsoetsoeng ke Hashabiea, Hashabiea ea tsoetsoeng ke Mataneea, Mataneea ea tsoetsoeng ke 'Mika. Bara ba Asafo, bao e neng e le libini, ba ne ba okametse tšebeletso ea Tempele ea Molimo. ₂₃Ka taelo ea khosi, libini li ne li hlophiselitsoe lenane leo li tla latellana ka lona tšebeletsong ea letsatsi ka leng.

₂₄Petahiea, mora oa Meshesabole, e mong oa litlōhōlō tsa Sera, mora oa Juda, e ne e le letona la khosi litabeng tsohle tse amanang le sechaba.

₂₅Ba bang ba litlōhōlō tsa Juda ba ne ba ahile metseng le mathōkong a eona, e leng Kiriate-Areba, le metsaneng ea eona, le Dibone le metsaneng ea eona, le Jekabesele le metsaneng ea eona, ₂₆le Jeshua, le Molade, le Bete-Pelete, ₂₇le Hasara-Shuale, le Beeresheba le metsaneng ea eona, ₂₈le Sikelage le Mekona le metsaneng ea eona, ₂₉le Ene-Rimone le Sora, le Jaremute, ₃₀le Sanōoa, le Adulame le metsaneng ea eona, le Lakishe le mathōkong a eona, le Aseka le metsaneng ea eona. Ba ne ba ahile ho tloha Beeresheba, ho ea fihla khohlong ea Hinome.

₃₁Litlōhōlō tsa Benjamine, tse neng li e-tsoa Geba, li ne li ahile Mikemase, le Aea, le Bethele le metsaneng ea eona, ₃₂le Anatote, le Nobe, le Ananiea, ₃₃le Hasore, le Rama, le Gitaine, ₃₄le Hadide, le Seboime, le Nebalata, ₃₅le Lode, le Ono, e leng khohlong ea litsebi tsa mesebetsi ea matsoho.

₃₆Ho ne ho e-na le lihlopha tse ling tsa Balevi, tse neng li ahile naheng ea ba morabe oa Juda, le naheng ea ba morabe oa Benjamine.