JEREMIA 48

“Ho malimabe Nebo,

hobane e ripitliloe,

Kiriataime ba e tlontlolotse,

ba e hapile,

qhobosheane ba e tlontlolla,

ba e thuaka.

₂Moabe ha e sa tla hlola e rorisoa,

ba Heshebone ba e reretse

ho e timetsa,

ba re: ‘Tloong re felise

bochaba ba eona.’

Le lōna baahi ba Madamene

le tla timetsoa,

sabole le eona e le phalalise.

₃Sello se tla utloahala

se e-tsoa Horonaime,

sello sa tšenyo e kholo le nanaōla.

₄Moabe e tla ripitloa,

sello sa masea a eona se utloahale.

₅Ba nyoloha ka tsela e eang Lōhite,

ba nyolohela teng ba ntse ba lla;

tseleng e theohelang Horonaime

ho utloahala lillo

tse reng: ‘Koluoa!’

₆Balehang le tle le ipholose,

le ke tonki e hlaha ea lehoatata.

₇Kaha le tšepile ketso tsa lōna

le maruo a lōna,

le lōna Bamoabe le tla thōpuoa;

Kemoshe le eena o tla thōpuoa,

a thōpuoe le baprista ba hae

a thōpuoe le mahosana.

₈Metse eohle e tla futuheloa,

e futuheloe ke motimetsi,

ha ho motse le o mong

o tla phonyoha.

Ba phelang ka khohlong

ba tla ripitloa,

ba phelang lithoteng

le bona ba timetsoe,

hobane Morena o boletse joalo.

₉Neang Bamoabe mapheo ba fofe,

ba fofe ba ikele hōle;

hobane metse ea bona

e tla fetoha masupi,

e fetohe masupi a hlokang baahi.

₁₀“Ea sa natseng

mosebetsi oa Morena a rōhakehe!

Ea sa tšolleng mali ka sabole

a rōhakehe!”

₁₁“Moabe e iketlile

ho tloha bocheng ba eona,

e ka veine eo litšifa tsa eona

li qitileng,

e sa rōkōlleloeng linkhong

ka ho fapana,

le bothōpuoeng

Moabe ha e e-s'o ka e isoa;

kahoo boleng ba eona

e nts'e le ba pele,

le monko oa eona ha oa fetoha.

₁₂Ka baka leo, bonang,

matsatsi aa tla,”

“ao ka 'ona ke tla rōmella

barōkōlli ba linkho,

'me bona ba tla e rōkōllela fatše;

linkho tsa eona ba tla li tšolla,

mepotjoana ea bona

eona ba e pshatlake.

₁₃Joale Moabe

e tla hlabisoa lihlong ke Kemoshe,

joalokaha Baiseraele

lihlong li ile tsa ba hlaba,

mehleng ea ha Bethele

e n'e le tšepo ea bona.

₁₄“Le ka ipolela joang,

la re: ‘Rōna re bahlabani,

rōna re linatla

tsa likoakoariri ntoeng?’

₁₅Moabe e tla timetsoa,

metse ea eona e futheloe;

chacha ea eona

e oe thekōng ea ntoa,”

ho rialo Khosi,

bitso la eona

ke Moren'a mabōtho.

₁₆“Ho oa ha Moabe

ho se ho le haufi,

koluoa ea eona

e tla fihla e potlakile.

₁₇Lōna ba ahisaneng le Moabe

e lleleng,

lōna bohle ba tsebang

botumo ba eona,

le re: ‘Lere la puso

le la matla le robehile,

molamu o tlōtlehang o robehile!’

₁₈“Lōna chaba se ahileng Dibone,

theohang moo tlōtleng ea lōna,

le lule fatše, mobung o lipekane,

hoba ea timetsang Moabe

o tla le futuhela,

a ripitle metse ea lōna

e hahelelitsoe.

₁₉Lōna ba ahileng Arōoere,

emang kathōko ho tsela

le shebisise,

le botse baphaphathehi

ba banna le ba basali,

le ba botse, le re:

‘Ho etsahetse life?’

₂₀Moabe e tlontlolotsoe,

hobane e tamukane!

Bokollang, le be le hōoeletse haholo,

le phatlalletse baahi ba Arenone,

le phatlalatse

hore Moabe e timelitsoe.

₂₁Kahlōlo e fihlile ka lihlabeng,

e fihlile Holone

le Jahase le Mefarata;

₂₂ea fihla Dibone,

Nebo le Bete-Dibelataime,

₂₃ea fihla Kiriataime,

Bete-Gamule le Bete-Meone,

₂₄ea fihla Keriote, ea fihla Bosera,

metseng eohle ea Moabe

e hōle le e haufi.

₂₅Naka la Moabe le robehile,

le letsoho la eona le phukhehile,”

₂₆“Tahisang Moabe,

hoba e ikakaselitse Morena,

e tloheleng e qhafutse

kahar'a mahlatsa a eona,

e tloheleng e fetohe, e be sesomo.

₂₇Na hase Moabe

e neng e soma Baiseraele?

Na e kil'a ba fumana

ba le har'a masholu,

hoo e thukuthang hlooho

ha e bua ka bona?

₂₈Lōna baahi ba Moabe

tsoang metseng ea lōna,

le e'o iphelela koana har'a mafika,

le ke leeba

le hahang sehlaha sa lona,

le se hahang lintšing,

ntšing tsa faru la lefika.

₂₉“Boikhantšo ba Moabe

re bo utloile,

boikhantšo bo boholo

le mabela a eona,

boikhantšo ba eona

le bona boikakaso,

esita le mabifi a pelo ea eona.

₃₀Bokakalōpe ba Moabe kea bo tseba,

empa ke bokakalōpe

bo se nang thuso,”

“ho ipolelisaka ha eona

ha ho na molemo.

₃₁Ka baka leo, ke llela Moabe,

ke llela baahi bohle ba Moabe,

ke llela banna ba Kire-Herese.

₃₂Uena morara oa Sibema

kea u llela!

Ke u llela

le ho feta baahi ba Jasere!

Makala a morara oa Sibema

a thathaletse,

a thathaletse

ho ea fihla leoatleng la Jasere,

mosenyi o lobetse litholoana,

tholoana tsa lehlabula,

o lobetse tholoana

tsa morara oa hao.

₃₃Rapeng tsa lifate

le masimong a Moabe,

thabo le monyaka

ha li sa fumanoa.

Ke thibetse ho tsoa ha veine,

ho tsoa ha eona litlhōtlelong,

ha ho ea tlhōtlang morara

ka mehoo ea thabo.

Le hoja mehoo eona

e nts'e utloahala,

mehoo eo hase mehoo ea thabo.

₃₄“Baahi ba Heshebone

le ba Elele baa lla,

sello sa bona se utloahala Jahase,

se utloahala ho tloha Sōoare

ho ea fihla Horonaime,

se be se e'o utloahala

le Egelate-Sheleshiea,

hoba le metsi a Nimerime

a se a pshele.

₃₅Ba etsetsang linyehelo

libakeng tsa borapeli,

le ba chesetsang

melimo ea bona mokubetso,

ke tla ba thibela

ho etsa joalo naheng ea Moabe,”

₃₆“Kahoo pelo ea ka

e llela Moabe sa lekolilo,

sa lekolilo le llela banna

ba Kire-Herese,

hoba matlotlo a bona

a se a ba feletse.

₃₇Lihlooho kaofela li lekōrana,

litelu kaofela ba li beotse,

matsoho kaofela ba a phatsitse,

matheka ba a tlamme

ka tse mahoashe.

₃₈Holim'a matlo 'ohle a Moabe,

le har'a literata tsohle tsa eona,

ha ho letho, haese lillo feela,

hobane Moabe ke a pshatlile,

ka e pshatla sa mopotjoana

o seng o sa natsoe ke motho,”

₃₉“Utloahatsang sello sena:

Bonang, Moabe e fetohile lesupi!

Bonang kamoo e balehang kateng

e le lihlong!

Moabe e se e fetohile sesomo,

e fetohile setsoto

ho ba ahelaneng le eona.”

“Bonang, ntsu ke eo e ubella,

e thathalalitse mapheo

holim'a Moabe,

₄₁Metse eohle e tla hapuoa,

liqhobosheane le tsona li kenoe.

Mohlang oo

pelo tsa bahlabani ba Moabe

li tla tšoana le pelo ea mosali,

mosali a kena tlung.

₄₂Bochaba ba Moabe bo tla felisoa,

hobane e ikakaselitse Morena.

₄₃Tšabo le lemena le leraba

li le fumane,

li fumane lōna baahi ba Moabe,”

₄₄“Ea balehang ke ho tšaba

o tla oela ka lemeneng,

ea tsoang ka lemeneng

raba le tla mo tšoasa.

Tsena tsohle

ke tla li tlisetsa ba Moabe,

ke ba tlisetse tsona

ka lemo sa kotlo ea bona,”

₄₅“Baphaphathehi ba eme

moriting oa Heshebone,

ba eme teng

ba qetiloe ke mokhathala,

hobane mollo o hotelitsoe,

oa hotetsoa ka Heshebone,

malakabe a laima

a e-tsoa tlung ea Sihone,

a laima

a chesa lehae la Bamoabe,

a felisa tlōtla ea baikhantši

₄₆U malimabe hakaakang,

uena Moabe!

Chaba sa Kemoshe

se felile kaofela,

bara ba hao

ba isitsoe bothōpuoeng,

barali ba hao

le bona ba thōpiloe!

₄₇“Empa hamorao ke tla boela

ke atlehisa Moabe,

taba tsa Moabe li boele malulong,”

Kahlōlo ea Moabe e fella mona.