JEREMIA 45

₁Ka selemo sa bone sa puso ea Jehoeakime, mora oa Josiea, khosi ea Juda, eare hoba Baruke, mora oa Neriea, a qete ho ngola mantsoe a tsoang molomong oa Jeremia, a a ngole bukeng, Jeremia a re ho eena: ₂“Morena Molimo oa Iseraele, o bua tjena ho uena Baruke: ₃U itse: ‘A 'na eloa! Morena o phaeletse masoabi a ka ka mahlomola; ke khathetse ke ho feheloa, ha ke na phomolo!’

₄“Uena Jeremia, u tle u re ho eena: ‘Morena o bua tjena: Bonang, seo ke ileng ka se haha ke tla se heletsa; seo ke se hlommeng ke se motsule lefatšeng lohle. ₅Na uena u ipatlela tse kholo? Se ke ua li batla, hobane ke tla lihela koluoa holim'a batho bohle, ho rialo Morena, empa uena ke tla u baballela bophelo ba hao hohle moo u eang teng.’ ”