JEREMIA 2

“ ‘Ke hopola ho nkhomarela ha hao

bocheng ba hao,

kamoo u nthatileng kateng

u sa le monyaluoa,

ua ntšala morao lehoatateng,

naheng eo ho sa jaloang,

letho ho eona.

₃Ho Morena, Iseraele e n'e halalela,

e le lilopotisiea tsa kotulo ea hae;

bohle ba li jang ba ne ba le molato,

bobe bo ba oela holimo.’ ”

“Baholo-holo ba lōna

ba bone khopo ba ka e le bofe,

ha ba ile ba mphuralla,

ba mathelaka mafeela,

'me joale ba fetohile mafeela?

₆Ke hobane'ng

ba sa kang ba botsa, ba re:

‘O kae Moren'a re nyolotseng

naheng ea Egepeta,

eena ea il'a re fetisa har'a lehoatata,

naheng ea mahlabathe

le ea malumela;

naha e sekaka,

e leng naha ea matšabeho,

eo ho seng ea kil'a tsamaea ho eona,

eo motho a e-s'o phele ho eona?’

₇Ke le tlisitse naheng e manoni,

hore le je tholoana tsa eona

le menate ea eona;

empa ha le fihla le ile la e silafatsa,

lefa la ka la le fetola manyala.

₈Baprista ha baa ka ba re:

‘O kae Morena?’

Litsebi tsa Molao

ha lia hlola li sa ntseba,

babusi ba sechaba

le bona ba mphetohela;

baporofeta ba porofeta

ka lebitso la Baale,

ba latela melimo

e ke ke ea ba thusa.”

₉“Kahoo ke tla le qōsa,”

“ke be ke qōse

le tlōhōloana tsa lōna.

₁₀E-eang hlekehlekeng tsa Kitime

le ke le bone,

le rōmele maqōsa Kedare,

le hlahlobe hantle,

le bone na ho tjena

ho kile ha e-ba teng.

₁₁Na chaba se teng

se kileng sa fetola melimo ea sona,

le hoja melimo eo

e n'e le ea bohata?

Empa chaba sa ka se anantse 'na,

'na Tlōtla ea sona,

sa nkananya ka melimo

e se na thuso.

₁₂Lōna maholimo tsotang,

le makalle sena,

le thōthōmele, le tšabe haholo,”

₁₃“Chaba sa ka

se entse libe li le peli:

Se furaletse 'na,

liba sa metsi a phoroselang,

sa ichekela liqanthana

tseo e leng tsa sona,

qanthana tseo metsi

a ke keng a ema ka ho tsona.”

₁₄“Na Iseraele ke mohlanka

ea tsoetsoeng e le lekhoba?

Ho ea ka'ng

ha a s'a fetohile lelobelo?

₁₅Taoana lia puruma,

lia mo khōbōlaka,

naha ea hae

li e fetotse nanaola,

metse ea hae

ke masupi, ha e na baahi.

₁₆Banna ba Nofe le ba Tahepanehese,

le bona ba se ba 'meotse lekōrana.

₁₇Na hase uena ea ipilelitseng hoo

ka ho furalla Morena,

Molimo oa hao,

nakong ea ha a ne

a u tsamaisa tseleng?

₁₈U ratela'ng ho ea Egepeta

ho ea noa metsi a Shihore?

U ratela'ng ho ea Asiria

ho ea noa metsi a Nōka?

₁₉Bokhopo ba hao

ke bona bo tla u otla,

ho mphuralla ha hao

hona ho u khaleme.

Imamele ke hona u ele hloko

kamoo u babeloang

ke bokhopo ba hao,

ha u furalla Morena,

Molimo oa hao,

u bile u s'u sa ntšabe le ho ntšaba,”

₂₀“Joko ea hao ke khale u n'u e robe,

marapo a eona 'ona ua a khaola,

ua re:

‘Ha ke sa tla ba lekhoba la hao!’

Eaba u hloella holim'a maralla,

tlas'a lifate tse talana ua lelera,

ua paqama fatše ho etsa bootsoa.

₂₁Ke ne ke u hlomme

sa morara o motle-motle,

sa morara o jetsoeng

ka peō e butsoitseng;

joale u ile ua mphuralla joang,

ua fetoha hlahlaane

ea morara oa naha?

₂₂Leha u ka b'a itlhatsoa ka sota,

ua itlhatsoa ka sesepa se le sengata,

ke tla 'ne ke bone letheba

la molato oa hao,”

₂₃“U ka bua joang, ua re:

‘Ha kea silafala;

ha kea ka ka pètlapètla

kamora' bo-Baale?’

Hlahloba boitšoaro ba hao

ba ka khohlong,

u nahane seo u ileng ua se etsa!

U tšoana le kamele e palesitse,

e parakanya,

e khaohanya tsela tsa eona;

₂₄u ka tonki e hlaha,

e tloaetseng lehoatata,

e fofonelang moea

ha e fihletsoe ke takatso;

ha e palesitse

e ka thibeloa ke mang?

Poho tse e batlang

li ke ke tsa ikhathatsa,

li tla e fumana

ka khoeli ea ho tlōleloa.

₂₅Khaotsa ho tsamaea,

oto le se felloe ke meqathatso,

'metso oa hao

o se omelle ke lenyora.

Empa uena u itse:

‘Che, ha ho na thuso!

'Na ke ithatela melimo,

melimo ea balichaba,

'me ke tlameha hore

ke e sale morao!’ ”

₂₆“Joalokaha lesholu

le hlajoa ke lihlong,

le hlajoa ke lihlong ha le tšoeroe,

Baiseraele le bona

ba hlajoe ke lihlong joalo,

bona le likhosi le mahosana a bona,

le baprista le baporofeta ba bona.

₂₇Ba re ho sefate:

‘Uena u ntat'a rōna!’

Ho lefika ba re:

‘Rōna re tsoetsoe ke uena!’

Ba mphuraletse,

fahleho tsa bona ha li ntalime;

athe ka nako ea litsietsi ba re:

‘Ak'u tle, u re pholose.’ ”

₂₈“E kae joale melimo ea lōna,

melimo ea maiketsetso?

A e ke e tle

haeba e tseba ho le pholosa

nakong ena ea lōna ea litsietsi!

Palo ea metse ea hao, uena Juda,

e lekana le palo ea melimo ea hao.

₂₉“Ke ka baka la'ng

ha le phea khang le 'na?

Kaofela ha lōna

le ba mphetohetseng,”

₃₀“Ke otlile bara ba lōna,

empa thuso ha e eo;

khalemelo ea ka

ba hanne ho e mamela;

sabole tsa lōna

li jele baporofeta ba lōna,

tsa ba ja sa tau e harolakang.

₃₁“Lōna ba molōko ona,

mamelang lentsoe la Morena:

Na ke bile lehoatata ho Baiseraele,

ka ka naha e lefifi ho bona?

Ke ka baka la'ng

ha chaba sa ka se re:

‘Rōna re tla iketsetsa borata,

ha re ka ke ra khutlela ho uena?’

₃₂Na moroetsana a ka lebala

mekhabiso ea hae,

monyaluoa a lebala aparo tsa hae?

Empa chaba sa ka sona se ntebetse,

se ntebetse ka litšiu li se na palo!

₃₃U hlalefetse tsela tsa ho batla lerato,

u rutile le liotsoa tsela tseo tsa hao.

₃₄Aparong tsa hao mali a fumanoe,

mali a bafumanehi

ba se nang molato,

e seng mali a masholu,

lithua-matlo.

₃₅Empa uena u re:

‘Ha ke na molato!

Ruri khalefo ea Morena

e tla mphapoha!’

Bona mona, 'na ke tla u ahlōla,

hobane u re uena ha ua etsa sebe.

₃₆U lelera hakaale ka baka la'ng,

u tsamaea u kheloha tsela tsa hao?

U tla hlabisoa lihlong ke Egepeta,

joalokaha Asiria

e u hlabisitse lihlong.

₃₇Le moo Egepeta, u tla khutla,

u khutle teng

matsoho u a beile hloohong,

hoba Morena o furaletse

bao u ba tšepang,

'me ba ke ke

ba u fumantša katleho.”