TŠIMOLOHO 9

₁Molimo a hlohonolofatsa Nōoe le bara ba hae, a re ho bona: “Atang, le ngatafale, le tlale lefatše. ₂Liphoofolo tsohle tsa lefatše, le linonyana tsohle tse fofang, li tla le tšaba. Lihahabi tsohle tsa lefatše, le litlhapi tsohle tsa leoatle, li beoa matsohong a lōna. ₃Tsohle tse tsamaeang, tse phelang, e tla ba lijo tsa lōna, joalokaha ke le neile meroho e metala. Tsena tsohle ke le nea tsona.

₄“Feela le se ke la ja nama e ntseng e e-na le bophelo, e leng mali. ₅Mali a lōna, e leng bophelo ba lōna, ke tla a batla. Ke tla a batla libataneng tsohle, le matsohong a motho. Ke tla batla bophelo ba motho matsohong a ngoan'abo.

₇“Joale lōna atang, le ngatafale; anafalang le tlale lefatše.”

₈Eaba Molimo o bua ho Nōoe, a e-na le bara ba hae, o re: ₉“Bonang, 'na, ke etsa selekane sa ka le lōna, le litlōhōlō tsa lōna. ₁₀Ke se etsa le libōpuoa tsohle tse phelang, tse nang le lōna: Linonyana, makhomo, le liphoofolo tse hlaha, le tsohle tse tsoileng ka arekeng. ₁₁Ke etsa selekane sa ka le lōna: Ha ho ka ke ha hlola ho timetsoa batho ka morallo oa metsi. Hape ha ho ka ke ka hlola ho e-ba le morallo oa metsi o tla timetsa lefatše.”

₁₂Molimo a re: “Ke sena sesupo sa selekane seo ke se etsang le lōna le tsohle tse phelang le lōna, le melōko e tlang: ₁₃Ke tla hloma mookoli oa ka marung, 'me e tla ba sesupo sa selekane sa ka le lefatše. ₁₄Ha ke tlisa maru holim'a lefatše, 'me mookoli o bonahala marung, ₁₅ke tla hopola selekane seo ke se entseng le lōna, le libōpuoa tsohle tse phelang, 'me metsi a ke ke a hlola a etsa morallo o tla timetsa batho bohle. ₁₆Mookoli o tla ba marung, 'me ha ke o talima, ke tla hopola selekane se sa feleng, se pakeng tsa Molimo le libōpuoa tsohle tse phelang, tse teng lefatšeng.”

₁₇Molimo a re ho Nōoe: “Sena ke sesupo sa selekane seo ke se entseng pakeng tsa ka le batho bohle ba teng lefatšeng.”

₁₈Bara ba Nōoe, ba ileng ba tsoa ka arekeng, e ne e le Sema le Kama le Jafeta. Kama ke ntat'a Kanana. ₁₉Ba bararo bana e ne e le bara ba Nōoe, 'me batho bohle ba lefatšeng ba tsoetsoe ke bona.

₂₀Nōoe e ne le molemi; ea e-ba eena oa ho qala ho lema morara. ₂₁A noa veine, a tahoa, a robala ka tenteng a sa tena. ₂₂Kama, ntat'a Kanana, ha a bona bofeela ba ntat'ae, a ea bolella bana babo ba babeli ba le kantle. ₂₃Sema le Jafeta ba nka kobo, ba e akhela mahetleng a bona, ba tsamaea kasanthao, ba fihla ba koahela bofeela ba ntat'a bona. Kaha ba ne ba furaletse, ha baa ka ba bona bofeela ba ntat'a bona. ₂₄Nōoe, ha a se a hlaphohetsoe, a tseba seo mora oa hae e monyenyane a ileng a se etsa ho eena.

₂₅Eaba o re:

₂₆Hape a re:

₂₈Kamora' morallo oa metsi, Nōoe a phela lilemo tse makholo a mararo le mashome a mahlano. ₂₉Lilemo tsa Nōoe kaofela e ne e le makholo a robong le mashome a mahlano; a nt'o shoa.