ESEKIELE 28

“ ‘Pelo ea hao ea ikhōhōmōsa,

u bile u re: Na ke molimo,

ke lutse teroneng ea Molimo,

e pota-potiloeng ke maoatle.

Empa u motho, ha u molimo,

le hoja u re u bohlale sa Molimo.

₃Na u bohlale ho feta Daniele?

Ha ho sephiri

se patehileng ho uena?

₄Ka bohlale ba hao

le ka kutloisiso ea hao,

u ile ua ipokellela matlotlo,

ua bokella khauta le silefera,

ua li bokella matlōleng a hao.

₅Ka tsebo ea hao e kholo ea khoebo,

u ile ua atisa matlotlo a hao;

ka baka la maruo ao a hao,

boikakaso ba hao le bona ba tōta.

“ ‘Kahobane uena ha u inahana,

u re u bohlale joaloka Molimo,

₇ke tla tlisa balichaba ba u futuhele,

balichaba ba sehlōhō ho feta bohle;

ka sabole tsa bona

ba tla senya botle ba hao,

ba senye le tsohle tsa bohlale ba hao,

tlōtla ea hao ba e silafatse.

₈Ba tla u lihela ka mohohlong,

u shoe lefu le sehlōhō haholo,

lefu la ba shoelang bolibeng,

bolibeng ba leoatle.

₉Na ha u shebana le babolai ba hao,

u tla 'n'u ipolele, u re u molimo?

Ha u le matsohong a babolai ba hao

u tla 'n'u be motho, e seng Molimo.

₁₀U tla bolaoa ke balichaba,

u shoe lefu la maqai,

“ ‘Botho ba hao

bo ne bo phethehile,

bohlale ba hao bo se na tekanyo,

botle ba hao le bona bo ritelehile.

₁₃U n'u phela Edene,

rapeng sa Molimo,

mekhabo ea hao

e le mahakoe a bohlokoa:

lirubi, lidaemane le litopase;

berile, kareneleane, le jasepere;

safire, emeraleda le karanete.

Mekhabiso ea hae e n'e le ea khauta,

tsena tsohle u n'u li etsetsoe,

ua li etsetsoa mohl'a tlholeho ea hao.

₁₄U n'u tlotsoe,

ua ba kerubime e sireletsang,

'na ka seqō, ke u beile joalo.

U n'u le thabeng ea Molimo, thaba

e halalelang,

u tsamaea har'a majoe

a phatsimang sa malakabe.

₁₅Ho tloha mohl'a letsatsi,

tsatsi la tlholeho ea hao,

ho fihlela bokhopo

bo fumanoa ho uena,

tsela tsa hao li ne li se na koli.

₁₆Ka baka la ho nama

ha khoebo ea hao,

pelo ea hao e il'a tlala sehlōhō,

eaba joale uena u etsa sebe.

Kahoo ka u leleka

thabeng ea Molimo,

ka u leleka ke ho silafala ha hao,

ka u timetsa,

uena kerubime e sireletsang,

ka u tlosa har'a majoe

a phatsimang sa malakabe.

₁₇Ka baka la botle ba hao

u il'a ikakasa,

tlōtla ea hao

ea silafatsa bohlale ba hao;

kahoo eaba 'na ke u lahlela fatše,

ke u etsa sekaō hore likhosi li bone!

₁₈U silafalitse lihalalelo tsa hao,

ua li silafatsa

ka bongata ba makhopo a hao,

ua li silafatsa

ka ho hoeba ka bolotsana;

kahoo ke tla hotetsa mollo

kahare ho uena,

ona o u chese, o be o u timetse,

ke u fetole molora holim'a lefatše,

moo batho bohle

ba ntseng ba u bona.

₁₉Chaba tsohle tse u tsebang

li tla u makalla;

pheletso ea hao e tla ba e sehlōhō,

u ke ke ua hlola u e-ba teng,

u e-ba teng kamehla eohle.’ ”

“ ‘Uena Sidone,

tseba hoba kea u loantša,

tlōtla ea ka

ke tla e bonahatsa ka uena;

bohle ba tla tseba

hore ke 'na Morena,

ha ke ahlōla baahi bohle ba hao,

ke etsa sesupo sa hore kea halalela.

₂₃Sidone ke tla e lihela lefu,

ke e lihele lefu la seoa,

mali a phalle literateng tsa eona.

Babolauoa e tla ba mofela,

e be mofela literateng,

kahohle sabole e tla ba bolaea;

kahoo ba tla tseba

hore ke 'na Morena.