Papiso ea sefate sa morara
1Lentsoe la Morena la fihla ho 'na, la re:
2“Uena ngoan'a motho,
fate sa morara se feta
fate tse ling ka'ng?
Kala la oona le feta
la fate tsa moru joang?
3Na ebe lehong la sefate sa morara
le ka sebelisoa
ho etsa ntho ea bohlokoa?
Na ebe ka lona ho ka etsoa semapo,
holim'a sona
eaba phahlo lia fanyehoa?
4Ha le akheloa mollong, le besoa,
ntlha tsa lona tse peli li e-cha,
bohare ba lona bo sala e le mashala,
na ho ka etsoa
ntho'a bohlokoa ka lona?
5Leha le ne le ntse le sa feletse,
ntho'a bohlokoa
e n'e ke ke ea etsoa ka lona;
joale ha le se le chesitsoe ke mollo,
le chele, le setse e le mashala,
na ho ka etsoa
ntho'a bohlokoa ka lona?
6“Ka baka leo,
Morena Molimo o bua tjena:
fate sa morara
har'a lifate tsa moru,
mosebetsi oa sona ke ho besa mollo;
le baahi ba Jerusalema
ba tla ba joalo!
7Ke tla ba tiisetsa sefahleho,
ke ba loantše;
ba tla phonyoha mollong oa pele,
oa bobeli oona o ba chese,
o ba timetse;
kahoo le tla tseba
hoba ke 'na Morena,
ha ke ba tiisetsa sefahleho,
ke ba loantša.
8Naha ke tla e fetola, e be nanaola,
hobane ba ile
ba ntlhokela botšepehi,
Morena Molimo o bua joalo.”
