ESETERE 10

₁Khosi Ahashuerushe a ntšisa naha ea hae le lihlekehleke lekhetho.

₂Liketso tsohle tse bontšang matla a hae, le bonatla ba hae, le litlhaloso tsa boholo boo khosi e ileng ea phahamisetsa Moredekai ho bona, li ngotsoe Bukeng ea Liketsahalo tsa Likhosi tsa Media le tsa Peresiea.

₃Moredekai oa Mojuda e ne e le eena ea hlahlamang khosi Ahashuerushe, 'me har'a Bajuda e le eena ea ka sehloohong, a ratoa ke sechaba sa habo. O ne a sebeletsa boiketlo ba sechaba sa habo, 'me a se buella hore se phelisoe ka khotso.